Ganesh Visarjan Mantra 2022: गणेश विसर्जन करतांना 'हा' मंत्र म्हणा

या वर्षी 9 सप्टेंबर रोजी म्हणजेच आजच लाडक्या बाप्पाचे विसर्जन होणार आहे.शास्रानुसार बाप्पाच्या पूजेबरोबरच आजच्या दिवशी भगवान विष्णूची पूजा करण्याचाही नियम आहे. या दिवशी भगवान विष्णूच्या अनंत रूपांची पूजा केली जाते. भाद्रपद महिन्यातील शुक्ल पक्षातील चतुर्दशीला अनंत चतुर्दशी हा सण साजरा केला जातो. ज्योतिष शास्त्रानुसार या दिवशी बाप्पाला निरोप देण्यापूर्वी विधिवत गणेशाची पूजा केली जाते. या दिवशी गणपती बाप्पाला पूर्ण विधीपूर्वक निरोप दिला जातो.

असे मानले जाते की, या दिवशी गणेश विसर्जनाच्या वेळी मंत्रोच्चार केल्याने गणपती बाप्पा प्रसन्न होतो आणि भक्तांवर आशीर्वादाचा वर्षाव करतो आणि त्यांना जीवनात सुख, समृद्धी आणि आनंद देतो. गणेश विसर्जनाच्या वेळी कोणता मंत्र जाणून घेऊ या.

गणेश विसर्जनाच्या वेळी या मंत्राचा जप करा.

ॐ यान्तु देवगणा: सर्वे पूजामादाय मामकीम्।

इष्टकामसमृद्धयर्थं पुनर्अपि पुनरागमनाय च॥

या मंत्राचा मनोभाव जप केल्यास गणपती बाप्पा वर्षेभर तुमच्यावर प्रसन्न राहतील. त्यामुळे घरात सुख,शांती समाधान टिकून राहील.