इस्राईल : उत्खननात सापडली 1 हजार वर्षे जुनी कोंबडीची अंडी

मध्य इस्राईलच्या 'यवने' शहरामध्ये पुरातत्व खात्यानं केलेल्या उत्खननात सुमारे 1000 वर्षे जुनी कोंबडीची अंडी सापडली आहेत. हो हे खरं असून ही अंडी 10 व्या शतकातील असल्याचा दावा केला जात आहे. मध्य इस्राईलमध्ये शहरी विकास प्रकल्प सुरू असल्याने तिथे उत्खनन सुरु आहे.यावेळी ही अंडी सापडली आहेत. (1000-year-old-chicken-egg-found-israel-marathi-news)

हा एक अत्यंत दुर्मिळ शोध...

इस्राईलच्या पुरातत्व विभागाचे तज्ज्ञ डॉ ली पेरी गाल यांनी सांगितले,की इस्राईलमधील हा एक अत्यंत दुर्मिळ शोध आहे. उत्खननावेळी संपूर्ण अंडी मिळणे कठीण आहे. तसेच त्यांनी सांगितले की यापूर्वीही इस्त्राईलमध्ये प्राचीन अंडी शेल जेरूसलेममधील डेव्हिड शहरात बऱ्याचदा आढळली आहेत. इस्राईलमधील पुरातत्वशास्त्रज्ञ अल्ला नागोर्स्की म्हणाले, हे अंडे सुरक्षित राहण्यामागं ते इतकी वर्षे एका विशेष अशा स्थितीत असल्याचं कारण त्यांनी सांगितलं. हे अंडे मानवी विष्ठेत पडले होते आणि यामुळे ते सुरक्षित राहिल्याचा दावा त्यांनी केला.

फेसबूकवर लाईक्सचा पाऊस

पुरातत्वशास्त्रज्ञ अल्ला नागोर्स्की म्हणाले की हे अंडे आता तुटलेले आहे आणि त्याच्या आतला भाग बाहेर आला आहे. मात्र काही अजुन भाग शिल्लक आहे. याद्वारे भविष्यात अंड्यांची अधिक चाचणी केली जाऊ शकते. फेसबुकवर या अंड्यांचे फोटो आणि माहिती पोस्ट केल्यापासून यावर लाइक्सचा पाऊस पडला आहे.

पुरातत्व विभागाकडून सांगण्यात आले आहे की, हे अंडे दहाव्या शतकातील प्राचीन स्थळ असलेल्या ठिकाणी सापडले आहे. पुरातत्वशास्त्रज्ञांना यावेळी इस्लामिक काळातील एक मलकुंडही सापडला आहे. हे मलकुंड खोदताना त्यामध्ये हे अंडे दिसले.