स्वित्झर्लंडमध्ये निखाऱ्यावरून चालल्याने २५ जण जखमी

स्वित्झर्लंड : उत्तर स्वित्झर्लंडमध्ये टीम-बिल्डिंग व्यायामाचा एक भाग म्हणून गरम निखाऱ्यांवरून चालत गेल्यावर पंचवीस लोक भाजले गेले. ही घटना मंगळवारी सायंकाळी घडली. या घटनेत १३ जणांना गंभीर दुखापत झाली. त्यांच्यावर रुग्णालयात उपचार सुरू आहेत. (25 injured in Switzerland Hot flashes)

हे लोक अनेक मीटर लांब निखाऱ्यावर चालत गेले. काही वेळांनी त्यांना वेदना होऊ लागल्या, असे घटनास्थळी पोहोचलेल्या पोलिसांनी सांगितले. हे लोक गरम निखाऱ्यांवरून कसे गेले हे अद्याप स्पष्ट झालेले नाही. या प्रकरणी पोलिसांनी पुरावे घेत तपास सुरू केला आहे.

गरम निखाऱ्यावर चालणे याला बऱ्याचदा टीम-वॉकिंग म्हणतात. यात गरम अंगारा किंवा निखाऱ्याच्या अनवाणी चालणे समाविष्ट आहे. हे जगातील अनेक भागांमध्ये संस्कार म्हणून वापरले जाते. हे लोक खाजगी कार्यक्रमासाठी येथे आले होते. सुरुवातीला जखमींवर घटनास्थळी उपचार करण्यात आले. यातील गंभीर १३ जणांना नंतर रुग्णालयात दाखल करण्यात आले.