Blast In Pakistan : पाकिस्तानातील इस्लामाबादमध्ये मोठा आत्मघाती हल्ला झाल्याचे वृत्त समोर आले आहे. येथील आय-10 सेक्टरमध्ये हा भीषण स्फोट झाल्याचे सांगितले जात आहे. या घटनेच अनेक जणांचा मृत्यू झाल्याची भीती व्यक्त केली जात असून, घटनास्थळी मदत आणि बचावकार्य युद्धपातळीवर सुरू करण्यात आले आहे.
मिळालेल्या प्राथमिक माहितीनुसार, ज्या ठिकाणी हा ब्लास्ट झाला आहे तो पाकिस्तानातील इस्लामाबादमधील अतिशय पॉश परिसर आहे. येथे मोठी बाजारपेठ तसेच जवळच शैक्षणिक संस्था आणि सरकारी कार्यलये आहेत. त्यामुळे या घटनेत अनेक जणांचा मृत्यू झाला असण्याची दाट शक्यता व्यक्त केली जात आहे. पोलिसांनी एका संशयित कारला थांबवण्याचा प्रयत्न केला. मात्र ती न थांबता पुढे निघून गेली. त्यावेळी पोलिसांनी या कारचा पाठलाग करण्यास सुरूवात केली. त्यावेळी अचानाक कारचा स्फोट झाल्याचे सांगितले जात आहे.
शुक्रवारच्या नमाजावेळी हा स्फोट करण्याचा कट असल्याचा संशय पोलिसांनी व्यक्त आहे. मात्र, तो होण्यापूर्वीच हा स्फोट झाला. या घटनेनंतर संपूर्ण इस्लामाबादमध्ये हाय अलर्ट जारी करण्यात आला असून, सुरक्षेच्या कारणास्तव घटनास्थळाचे मीडिया कव्हरेजही बंद करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
