Twins Case : मुली जुळ्या पण अंतर एक वर्षाचं; टेक्सासमध्ये अजब केस

Twins in texas : जुळे भाऊ किंवा जुळ्या बहिणी यांचा जन्मदिन एकाच तारखेला येतो. मात्र टेक्सासमध्ये एक घटना अशी घडली आहे ज्यामध्ये दोन्ही मुली जुळ्या आहेत मात्र त्यांच्या जन्मामध्ये एक वर्षाचं अंतर आहे.

ही बातमी वाचून तुम्ही गोंधळून गेला असाल. परंतु तांत्रिक बाबीमुळे हे सत्य झालं आहे. अमेरिकेतल्या टेक्सासमध्ये हा प्रकार घडला असून केली जो आणि क्लिफ यांच्या जुळ्या मुलींनी वेगवेगळ्या वर्षात जन्म घेतला.

• हेही वाचाः प्राचीन काळातली शस्त्रनिर्मिती कला....

केली जो यांनी आपल्या जुळ्या मुलींचं नाव एनी जो आणि एफी रोज असं ठेवलं आहे. याच्यातल्या एनी जोचा जन्म ३१ डिसेंबर २०२२ रोजी रात्री ११ वाजून ५५ मिनिटांनी झाला तर दुसरी मुलगी एफी रोज हिचा जन्म १ जानेवारी २०२३ रोजी १२ वाजून १ मिनिटांनी झाला. जो यांनी आपल्या मुलींचे फोटो फेसबुकवर शेअर केले आहेत.

केली यांनी पोस्टमध्ये मुलींचं तब्येत ठीक असल्याचं नमून केलं आहे. या मुलींचं वजन ५.५ पाऊंड आहे. केली आणि त्यांचे पती क्लिफ मुलींच्या जन्मामुळे खूप खूश असल्याचं त्यांनी सांगितलं. विशेष म्हणजे जन्माच्या तारखेवरुन घडलेला प्रकारही त्यांनी आनंदाने स्वीकारला आहे.