Baby Shark ने मोडले सगळे रेकॉर्ड! यूट्यूबवर मिळाले 1000 कोटी व्ह्यूज | Sakal
sakal

बोलून बातमी शोधा

baby shark dance video becomes first to hit 10 billion views on youtube

Baby Shark ने मोडले सगळे रेकॉर्ड! यूट्यूबवर मिळाले 1000 कोटी व्ह्यूज

यूट्यूबवर (YouTube) दररोज लाखो व्हिडीओ पब्लिश होत असतात, मात्र असे खूप कमी व्हिडीओ आहेत जे इतिहास घडवतात. असाच एक व्हिडिओ 'बेबी शार्क डान्स' (Baby Shark Dance) ने इतिहास रचला आहे. बेबी शार्क हा YouTube च्या इतिहासात सर्वाधिक पाहिलेला व्हिडिओ बनला आहे. बेबी शार्क व्हिडिओला 10 अब्जाहून अधिक (10 Billion) म्हणजे सुमारे 1000 कोटी पेक्षा जास्त व्ह्यूज मिळाले आहेत. यूट्यूबवर या लहान मुलांच्या व्हिडिओने इतिहास रचला असून आजपर्यंतचे सर्व रेकॉर्ड मोडीत काढले आहेत.

यूट्यूबवर याआधी कोणत्याही व्हिडीओला इतके व्ह्यूज मिळालेले नाहीत. बेबी शार्क नंतरचा दुसरा सर्वाधिक पाहिला जाणारऱ्या व्हिडिओला 7.7 अब्ज व्ह्यूज आहेत आणि तो व्हिडीओ हा डेस्पॅसिटो या गाण्याचा आहे.

दरम्यान बेबी शार्कची निर्मिती ही दक्षिण कोरियाच्या एजुकेशनल इंटरटेनमेंट फर्म पिंकफॉन्ग (Pinkfong) ने केली आहे. यामध्ये कोरियन-अमेरिकन सिंगर Segoine ने आपला आवाज दिला आहे. बेबी शार्क- 2016 मध्ये YouTube वर अपलोड करण्यात आले होते. गेल्या वर्षी नोव्हेंबरमध्ये या व्हिडिओला 7.04 अब्ज व्ह्यूज मिळाले होते.

बेबी शार्क जगभरात लोकप्रिय

द किड्स सॉन्ग, दक्षिण कोरियन शैक्षणिक कंपनी पिंकफॉन्गचे मास्टरमाईंड आणि कोरियन-अमेरिकन गायक होप सेगोइन यांनी सादर केले आहे, 2016 मध्ये रिलिp झालेला हा व्हिडीओ आशियामध्ये व्हायरल झाला होता. परंतु 2019 पर्यंत तो यूएसमध्ये देखील प्रसिद्ध झाला. हे गाणे एका वेळी बिलबोर्ड टॉप 40 मध्ये देखील पोहचले होते.

हेही वाचा: फ्लिपकार्ट, ॲमेझॉन वर 17 जानेवारीपासून रिपब्लिक डे सेल! मिळेल बंपर सूट

व्हिडिओमध्ये काय आहे?

YouTube च्या सर्वाधिक पाहिलेल्या व्हिडिओमध्ये दोन लाहन मुले "बेबी शार्क डान्स" करताना दिसतात, तर टायटॅनिक अॅनिमेटेड शार्क आणि त्यांचे कुटुंब पोहतात आणि नंतर ते मुलांची शिकार करण्याचा प्रयत्न करतात. ज्यामध्ये शार्क अपयशी ठरतात आणि मुले त्यांना दूरवरुन पाहात आनंद साजरा करतात.

पिंकफॉन्गच्या बेबी शार्क या व्हिडीओचे , YouTube वर व्हयूज आता 10 अब्ज व्ह्यूजच्या पुढे गेले ज्यामुळे प्लॅटफॉर्मच्या इतिहासात हा टप्पा गाठणारा हा पहिला व्हिडिओ बनला आहे. मजेशीर बाब म्हणजे सध्या जगाची लोकसंख्या सध्या सुमारे 7.8 अब्ज आहे. त्यामुळे जर प्रत्येकाने बेबी शार्क डान्स एकदा पाहिला असेल, तर 2 अब्जहून अधिक लोक शिल्लक राहातात.

हेही वाचा: OnePlus 9RT 5G स्मार्टफोन भारतात लॉंच; जाणून घ्या किंमत आणि फीचर्स

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :YouTube
loading image
go to top