Chandrayaan 3 Update: "चांद्रयान काही तासांत चंद्रावर उतरणार, त्यामुळं..."; ब्रिक्स समिटच्या भारताला शुभेच्छा

Mission Chandrayaan 3 : भारताची महत्वाकांक्षी चांद्रयान ३ मोहिमेंतर्गत यान येत्या दोन तासात चंद्रावर उतरणार आहे. यापार्श्वभूमीवर सध्या जोहान्सबर्ग इथं सुरु असलेल्या ब्रिक्स समिटनं भारताला शुभेच्छा दिल्या आहेत.

यावेळी पंतप्रधान मोदींचं त्यांनी अभिनंदनही केलं आहे. जोहान्सबर्ग इथं सध्या ब्रिक्स समिट सुरु असून PM मोदी चांद्रयानाच्या लँडिंग सोहळा तिथूनच लाईव्ह पाहणार आहेत. (Chandrayaan 3 Landing BRICS Summit Wishes India Good Luck)

समिटचं आयोजन करणारे दक्षिण अफ्रिकेचे राष्ट्राध्यक्ष सिरिल रामाफोसा यांनी म्हटलं की, मी भारताचं अभिनंदन करु इच्छितो विशेषतः जेव्हा तुम्ही अंतराळ सहकाऱ्याच्या आवश्यकतेबाबत बोलता. त्यामुळं काही तासांतच भारताचं अंतराळ यान चांद्रयान ३ चंद्रावर उतरणार आहे. आम्ही तुम्हाला शुभेच्छा देतो. (Latest Marathi News)

ब्रिक्स कुटुंबाच्या रुपानं ही आमच्यासाठी एक महत्वपूर्ण संधी आहे. तसेच आम्ही भारतासोबत हा क्षण अनुभवणार आहोत आणि आम्ही खूश आहोत, असंही रामाफोसा यांनी म्हटलं आहे.

मोदींच्या कृतीचं कौतुक

दरम्यान, ब्रिक्स समिटची बैठक झाल्यानंतर विविध देशांच्या प्रमुखांचा ग्रुप फोटो काढतेवेळी मोदी स्टेजवर गेले असताना तिथं छोट्या आकारातील भारताचा राष्ट्रध्वज स्टेजवर पडल्याचं त्यांना दिसलं. (Marathi Tajya Batmya)

याकडं लक्ष जाताचं त्यांनी जमिनीवर पडलेल्या भारताचा तिरंगा उचलला आणि आपल्या कोटाच्या खिशात ठेवला. मोदींच्या या कृतीचा व्हिडिओ समोर आला असून यामुळं त्यांचं कौतुक होतं आहे.