कोलंबिया : तुरुंगात दंगलीतून भडकली आग, ५१ जण जागीच ठार

कोलंबिया येथील एका कारागृहात दंगल घडवण्याचा प्रयत्न झाला आहे. दरम्यान, या प्रयत्नात भीषण आग लागल्याची घटना घडली समोर आली आहे. या घटनेदरम्यान, पळून जाण्याचा प्रयत्न करणाऱ्या कैद्यांमध्ये एकूण 51 कैदी ठार झाले आहेत. तसेच 24 पेक्षा अधिक कैदी जखमी झाले आहेत. पहाटेच्या सुमारास ही धक्कादायक घटना घडल्याने देशभर हळहळ व्यक्त होत आहे.

एका वृत्तसंस्थेने दिलेल्या माहितीनुसार, नॅशनल प्रिझन्स एजन्सीच्या अधिकाऱ्याने या घटनेबाबतची माहिती दिली आहे. नॅशनल पेनिटेंशरी अँड प्रिझन इन्स्टिट्यूटच्या प्रवक्त्याने सांगितले की, आतापर्यंत 51 लोकांचा मृत्यू झाला असून मृतांची संख्या वाढण्याची शक्यता आहे. आग लागल्यानंतर कैद्यांनी पळून जाण्याचा प्रयत्न करत असातना हा अपघात झाला आहे. या घटनेत 24 हून अधिक कैदी जखमी झाले आहेत. तर 51 जणांचा मृत्यू झाला आहे.

कोलंबियाच्या कारागृहात क्षमतेपेक्षा जास्त कैद्यांना ठेवण्यात आले आहे. अधिकृत आकडेवारीनुसार, कोलंबियन तुरुंगात 81, 000 कैद्यांची क्षमता असताना आता सुमारे 97,000 केद्यांना ठेवण्यात आले आहे. कोलंबोचे राष्ट्राध्यक्ष इव्हान ड्यूक यांनी या घटनेसंदर्भात ट्विट करत लवकरच या घटनेची चौकशी केली जाईल असे स्पष्ट केले आहे. तुलुआ, व्हॅले डेल येथील तुरुंगात घडलेल्या घटनेबद्दल आम्हाला अतीशय दु:ख झाले आहे. आम्ही मृतांच्या कुटुंबीयांसोबत आहोत, असं ट्वीट करत त्यांनी शोक व्यक्त केला आहे.

दरम्यान, या घटनेत आतापर्यंत 51 जणांचा मृत्यू झाला आहे. आग लागल्यानंतर कैद्यांनी पळून जाण्याचा प्रयत्न केला असता ही घटना घडली. कॅराकोल रेडिओच्या अधिकाऱ्यांनी अधिकाऱ्यांच्या हवाल्याने ही माहिती दिली. या घटनेत 24 पेक्षा जास्त लोक जखमी झाले आहेत. दरम्यान, जखमींना उपचारासाठी रूग्णालयात दाखल करण्यात आले आहे.