Facts About Halloween : भितीदायक सण हॅलोवीन कसा सुरू झाला माहितीये? जाणून घ्या

Facts About Halloween : हॅलोवीन म्हणताच आपल्या डोक्यात वेगवेगळे भितीदायक विचार येतात. हा ख्रिश्चन लोकांचा सण असून दरवर्षी ऑक्टोबर महिन्याच्या शेवटच्या रविवारी साजरा केला जातो.

हॅलोवीनचा इतिहास

इतिहासानुसार दोन हजार वर्षांच्या पूर्वीपासून ऑल सेट्स डे म्हणून संपूर्ण उत्तर यूरोपात साजरा केला जातो. या दिवसाविषयी मान्यता आहे की, मेलेले लोकांच्या आत्मा उठतात आणि पृथ्वीवर जिवंत लोकांसाठी अडचणी निर्माण करतात. या वाईट आत्म्यांविषयीची भिता घालवण्यासाठी लोक राक्षसासारखे कपडे घालतात. तसंच जागोजागे शेकोटी लावून त्यात मेलेल्या जनावरांची हाडं फेकली जातात.

सेल्टिक कॅलेंडरचा शेवटचा दिवस

हॅलोवीनला आल हेलोस ईव्ह, आल हेलोस इव्हिनिंग, आलहॅलोविन आणि आल सँट्स ईव्ह, आल सेंट्स डे अशी नावं आहेत. हा दिवस सेल्टिक कॅलेंडरचा शेवटचा दिवस असतो. आल सेंट्स डे १ नोव्हेंबरला साजरा होतो. आल सेंट्स डे च्या एक दिवस आधी आल हेलोस ईव्ह ची संध्याकाळ असते. ज्याला आता हॅलोवीन ईव्ह म्हणून ओळखलं जातं.

या उत्सवात मूर्ती पूजा केली जात होती. पण काही पॉप्सने याला इतर ख्रिश्चन धर्मियांशी जोडण्याचा प्रयत्न केल्याने आल सेंट्स डे आणि हॅलेवीन हे एकाच दिवशी साजरा केला जातो.

कसा साजरा करतात

हा सण साजरा करण्याची पध्दत फारच वेगळी आहे. यात लोक भितीदायक वेश परिधान करतात आणि घरोघरी जाऊन चॉकलेट, कँडी भेट देतात. या दिवशी मुलं लाल भोपळ्याच्या आकाराची बॅग घेऊन घरोघरी जातात. पोकळ लाल भोपळ्याच्या आवरणाला बाहेरून डोळे, नाक, तोंड काढून त्यात मेणबत्ती लावतात. तेही भितीदायक पध्दतीने. नंतर नक्षिदार भोपळ्याला पूरलं जातं.