Iran Islamic Revolution: १९७८ चा रक्तरंजित उठाव… इराणमध्ये कशी झाली इस्लामिक राजवटीची सुरुवात, काय आहे इतिहास?

इराणच्या इतिहासात अशा अनेक क्रांत्या घडल्या आहेत, ज्या एखाद्या छोट्याशा घटनेपासून सुरू होऊन शतकानुशतकांच्या हुकूमशाहीला उद्ध्वस्त करतात. १८ फेब्रुवारी १९७८ हा असाच एक ऐतिहासिक दिवस ठरला. इराणी कॅलेंडरनुसार २९ बहमन १३५६ रोजी अझरबैजान प्रांताची राजधानी तब्रिज या शहरात रक्तरंजित उठाव झाला. या घटनेला ‘तब्रिज उठाव’ म्हणून ओळखले जाते. शाह मोहम्मद रजा पहलवी यांच्या राजवटीच्या अंताची सुरुवात याच दिवशी झाली असे मानले जाते.