Justin Trudeau : जस्टीन ट्रुडो यांचा राजीनामा पक्षांतर्गत नाराजीमुळे अखेर पंतप्रधानपद सोडले

ओटावा : पक्षांतर्गत नाराजीचा सामना करत असलेले कॅनडाचे पंतप्रधान जस्टीन ट्रुडो यांनी आज पदाचा राजीनामा दिला..माझ्या नेतृत्वाबाबत सहकाऱ्यांनीच शंका घेतली असल्याने पुढील निवडणुकीत मी उमेदवार असण्याची शक्यता कमी आहे, असेही त्यांनी माध्यमांना सांगितले. काही दिवसांपूर्वीच त्यांच्या अर्थमंत्र्यांनी अचानक राजीनामा दिल्याने मंत्रिमंडळात नाराजी असल्याचे स्पष्ट झाले होते. खलिस्तानवादी हरदीपसिंग निज्जर याच्या हत्येवरून भारतावर आरोप केल्याने ट्रुडो यांचे नाव भारतात चर्चेत आले होते. तसेच, भारताशी संबंध दुरावल्यानेही कॅनडातील अनेक नेत्यांनी ट्रुडो यांच्यावर टीका केली होती..ट्रुडो यांच्या लिबरल पक्षाची बुधवारी बैठक असून त्यापूर्वी ते राजीनामा देण्याची शक्यता वर्तविली जात होती. ती शक्यता खरी ठरत त्यांनी आज राजीनामा देत असल्याचे जाहीर केले. कॅनडाच्या संसदेचे कामकाज २७ जानेवारीला सुरू होणार होते. मात्र, कामकाज आता २४ मार्चपर्यंत स्थगित राहणार असल्याचे एका अधिकाऱ्याने आज जाहीर केले. हा कालावधी मिळाल्याने सत्ताधारी लिबरल पक्षाला नेता निवडीसाठी वेळ मिळणार आहे..नवीन नेता निवड होईपर्यंत ट्रुडो यांच्याकडेच कारभार असेल. कॅनडामध्ये तीन प्रमुख विरोधी पक्ष असून संसदेचे कामकाज सुरू होताच सरकारविरोधात अविश्वास ठराव मांडण्याचा त्यांचा इरादा आहे. त्यांच्याच पक्षाच्या अनेक नेत्यांनी आणि मंत्र्यांनीही उघड नाराजी व्यक्त केल्याने ट्रुडो आणखी किती दिवस पंतप्रधानपदावर राहणार, याची चर्चा सुरू झाली होती..आगामी निवडणूक लढण्याची ट्रुडो यांची इच्छा असली तरी पक्षाकडून त्यांची निवड होण्याची शक्यता कमी झाल्याचे मानले जात आहे. त्यांच्याविरोधातील नाराजीमुळे लिबरल पक्षाची लोकप्रियता विरोधकांच्या तुलनेत फारच घटली असल्याचे चित्र आहे. ट्रुडो यांचे वडिलही १९६८ पासून पुढे १६ वर्षे सत्तेत होते. त्यांची तुलना अमेरिकेचे माजी अध्यक्ष जॉन एफ. केनेडी यांच्याबरोबर केली जात असे..या मुद्द्यांवरून टीकामहागाई अन् भारताशी वादआर्थिक धोरणे चुकल्याने अमेरिकेबरोबर वादकरांमध्ये वाढ केल्याने जनतेच्या खिशाला कात्री.भारताबरोबरील वाददेशांतर्गत पातळीवर अपयश येण्याबरोबरच त्यांची काही आंतरराष्ट्रीय धोरणे चुकल्याची टीका त्यांच्या विरोधकांनी केली आहे. विशेषत:, खलिस्तानवादी हरदीपसिंग निज्जर याच्या कॅनडामध्ये झालेल्या हत्येत भारताचा हात असल्याचा दावा ट्रुडो यांनी मागील वर्षी केला होता. भारताने या आरोपांचा इन्कार केला तरी ट्रुडो ठाम राहिले होते. सुरुवातीला पाश्चिमात्य देशांनी त्यांच्या ठामपणाचे कौतुक केले होते, मात्र नंतर एका मुलाखतीत ट्रुडो यांनी भारताविरोधात सबळ पुरावा नसल्याची कबुली देताच ते थट्टेचा विषय बनले. त्यामुळे त्यांची लोकप्रियता झपाट्याने घसरली होती..Sheikh Hasina : हसीनांविरोधात पुन्हा अटक वॉरंट .नाराजीमध्ये वाढजस्टीन ट्रुडो हे २०१५ मध्ये सत्तेवर आले होते. कॉन्झर्व्हेटिव्ह पक्षाला पराभूत करून त्यांनी सत्ता मिळविल्याने ते अत्यंत लोकप्रिय झाले होते. मात्र, मागील दोन ते तीन वर्षांत त्यांच्याबाबतचा असंतोष वाढला होता. अन्नधान्य, घरे आणि इतर अनेक आवश्यक वस्तूंच्या किमती वाढल्याने आणि स्थलांतरितांची संख्याही वाढत असल्याने जनतेतून त्यांच्यावर टीका होत होती. अमेरिकेमध्ये येणाऱ्या स्थलांतरीतांमधील अनेक जण कॅनडामार्गे येत असल्याने हा प्रकार बंद न झाल्यास सर्व वस्तूंवर २५ टक्के निर्यातशुल्क लागू करण्याची धमकी अमेरिकेचे नियोजित अध्यक्ष डोनाल्ड ट्रम्प यांनी दिली आहे. त्यामुळे ट्रम्प यांच्यावर राजीनाम्यासाठी दबाव वाढला होता.मी सहसा आव्हानांसमोर झुकत नाही. मात्र, देशवासीयांच्या हितासाठी आणि लोकशाही मूल्यांसाठी मी राजीनाम्याचा निर्णय घेतला आहे.- जस्टीन ट्रुडो, कॅनडाचेमावळते पंतप्रधान.सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Justin Trudeau : जस्टीन ट्रुडो यांचा राजीनामा पक्षांतर्गत नाराजीमुळे अखेर पंतप्रधानपद सोडले

Related Stories