जगातील सर्वांत मोठं झाडाचं पान; Guinness World Record मध्ये नोंद

सोशल मीडियावर अनेक व्हिडिओ आणि फोटो व्हायरल होत असतात. पण सध्या एका झाडाच्या पानाचा फोटो सोशल मीडियावर व्हायरल झाला आहे. या पानाची जगातील सर्वांत मोठं झाडाचं पान म्हणून गिनीज वर्ल्ड रेकॉर्डमध्ये नोंद झाली आहे. गिनीज वर्ल्ड रेकॉर्डच्या अधिकृत इंस्टाग्रामवर ही पोस्ट करण्यात आली असून सध्या इंस्टाग्रामवरील ही पोस्ट चर्चेत आहे.

हेही वाचा - रायगडमध्ये पर्यटनासाठी येतेय नवी संधी

गिनीज वर्ल्ड रेकॉर्डमध्ये नोंद झालेले पान हे जगातील सर्वांत मोठे अविभाजीत पान आहे. व्हिक्टोरिया बोलिव्हियाना ही सर्वात मोठी वॉटरलीली प्रजाती म्हणून ओळखली जाते, ज्याचे पानं 2.8 मीटर (9 फूट 2 इंच) व्यासापेक्षा जास्त वाढतात. तर याच झाडाच्या पानाची नोंद करण्यात आली असून सदर पानाचा व्यास 3.2 मीटर (10 फूट 6 इंच) होता.

दरम्यान, जर वरचा भाग सपाट असेल तर हे पान 3.37 मीटर (11 फूट) पर्यंत वाढते. त्याचे अंदाजे पृष्ठभागाचे क्षेत्रफळ 7.55 m2 (81.3 चौरस फूट) म्हणजे दोन मोठ्या आकाराच्या पलंगाएवढे आहे. सदर वनस्पती ही उत्तर-पूर्व बोलिव्हियामधील एल बेनी विभागातील लॅनोस डी मोक्सोस उष्णकटिबंधीय सवाना येथे आहे.