अमेरिकेच्या तळावर इराकमध्ये हल्ला 

बगदाद : इराकची राजधानी बगदादमधील अमेरिकी दूतावासानजीकच्या अतिसुरक्षित भागात शनिवारी तोफगोळ्यांचा मारा करण्यात आला. तसेच, अमेरिकेच्या लष्करी तळावर रॉकेट हल्ला करण्यात आला. 

ताज्या बातम्यांसाठी डाऊनलोड करा ई-सकाळचे ऍप

अमेरिकेने इराकमध्ये केलेल्या कारवाईत इराणचा वरिष्ठ लष्करी अधिकारी ठार झाल्यानंतर लगेचच दुसऱ्या दिवशी हा हल्ला झाला आहे. इराकी लष्कराने दिलेल्या माहितीनुसार, अतिसुरक्षित भागात दोन तोफगोळ्यांचा मारा करण्यात आला.

या अतिसुरक्षित भागात अमेरिकी दूतावास आहे. याचबरोबर बलाद हवाई तळावर रॉकेट हल्ला करण्यात आला. या हवाई तळावरच अमेरिकी सैन्याचा तळ आहे. हा रॉकेट हल्ला नेमका कोठून झाला याचा शोध घेण्यात येत आहे.