Missouri | अमेरिकेत रेल्वे अपघात, दोघांचा मृत्यू अन् ५० जण जखमी

मिसोरी (अमेरिका) : अमेरिकेच्या (America) मिसोरीत अॅमट्रक रेल्वेगाडी रुळावरुन घसरुन मोठा अपघात झाला आहे. ही दुर्घटना सोमवारी (ता.२७) घडली, अशी माहिती 'मिसोरी स्टेट हायवे पॅट्रोल ट्रूप बी'चे प्रवक्ते जस्टीन डन यांनी प्रसारमाध्यमांना सांगितले. रेल्वे दुर्घटनेत दोन जणांचा मृत्यू, तर एकाची स्थिती चिंताजनक आहे अशी माहिती मिसोरी (Missouri) स्टेट हायवे पॅट्रोल काॅर्पोरलने दिली. (Missouri Train Derailment Three People Killed, 50 Injured)

रेल्वे ही ट्रकला धडकली. ही घटना मेंडन शहरात घडली. प्रसारमाध्यमांमधील बातम्यांनुसार जवळपास ५० लोक या अॅमट्रक रेल्वे दुर्घटनेत जखमी झाले आहेत. जवळपास २४३ प्रवाशी आणि १२ क्रू मेंबर्स रेल्वेत होते.