नासा आणि स्पेसएक्सचे ड्रॅगन क्रू आंतरराष्ट्रीय अंतराळ स्थानकावरुन पृथ्वीच्या दिशेने रवाना झाले आहे. या यानातून दोन अमेरिकन अंतराळवीर देखील आहेत. नासाने ट्विटच्या माध्यमातून यासंदर्भातील माहिती दिली आहे. ऐतिहासिक क्षणासाठी आम्ही उत्सुक असून यान सुरक्षित पृथ्वीवर पोहचेल, अशी आशाही नासाने व्यक्त केली आहे. स्पेसएक्स के ड्रॅगन कॅप्सूलमधून अमेरिकन अंतराळवीर बॉब बेहकीन (49) आणि डग हर्ली (53) यांनी पृथ्वीच्या दिशेने प्रवास सुरु केला आहे. स्पेसएक्स आणि नासा 45 वर्षात पहिल्यांदाच अंतराळवीराला थेट समुद्रात उतरण्यात येणार आहे.
अंतराळ संशोधन संस्था 'नासा'ने ट्वीटच्या माध्यमातून यासंदर्भातील माहिती दिली आहे. त्यांनी ट्विटमध्ये लिहिलंय की, ड्रॅगन क्रू कॅप्सूल आंतरराष्ट्रीय अंतराळ स्थानकाच्या चौहू बाजूने असेलेल्या अप्रोच एलिपसॉइडमधून बाहेर पडले आहे. त्याचा प्रवास सुरक्षितपणे सुरु झाला आहे. अंतराळवीरांचा पृथ्वीच्या दिशेने सुरु असलेला प्रवासाचे लाइव्ह प्रक्षेपण नासाकडून करण्यात येत आहे. नासाच्या अधिकृत ट्विटरवरुन यासंदर्भातील एक व्हिडिओ देखील शेअर करण्यात आला आहे. स्पेसएक्स कॅप्सूल ड्रॅगन कॅप्सूल ऑर्बिटच्या समोरच्या बाजूला असून पृथ्वीच्या दिशेने त्याचा प्रवास सुरु झाला आहे, असा उल्लेख शेअर केलेल्या व्हिडिओच्या पोस्टमध्ये करण्यात आला आहे.
2011 नंतर अमेरिकेने पहिल्यांदाच मानवरहित मोहीम हाती घेतली आहे. नासाच्या केनेडी स्पेस सेंटरमधून 30 मे रोजी या मिशनची सुरुवात झाली होती. 31 मेपासूनच अंतराळवीर आंतरराष्ट्रीय अंतराळ स्थानकावर होते. या मोहिमेत अनेक प्रयोग करण्यात आले असून हे अमेरिकेसाठी हा ऐतिहासिक क्षण आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.