अल्फा, डेल्टानंतर नव्या व्हेरिएंटचं नाव ठरलं... WHO ची घोषणा!

आफ्रिकेतल्या सहा देशातून येणाऱ्या विमानांवरही बंदी घालण्यात आलीय. B.1.1.529 असं कोरोनाच्या नव्या व्हेरिएंटचं नाव असून तो अधिक घातक असल्याचे रिपोर्ट आहेत. विशेष म्हणजे हा नवा व्हेरिएंटनं त्या देशात धुमाकूळ घातलाय जिथं लसीचे दोन्ही डोस घेतलेले आहेत. म्हणजेच कोरोनाच्या व्हेरिएंटला रोखण्यात लस अपयशी ठरतेय.

जागतिक आरोग्य संघटनेच्या (WHO) शास्त्रज्ञांनी पुनरावलोकनानंतर नवीन स्ट्रेनला 'चिंताजनक प्रकार' म्हणून घोषित केलं आहे. आणि त्याला ग्रीक अक्षरात 'ओमिक्रॉन' असं नाव दिलंय. या प्रकारात मोठ्या प्रमाणात म्युटेशन होत आहे. त्यापैकी काही ओमिक्रॉनशी संबंधित असल्याचं डब्ल्यूएचओने एका निवेदनात म्हटलं आहे.

प्राथमिक पुरावे इतर प्रकारांच्या तुलनेत या संसर्गाचा पुन्हा होण्याचा धोका होण्याची शक्यता आहे. तरीही, व्हेरियंटच्या संक्रमणक्षमतेबद्दल मुख्य प्रश्न शिल्लक आहेत, ते लोकांना आजारी पाडू शकते का आणि ते लस टाळण्यास सक्षम होऊ शकते का? याबाबत प्रश्नचिन्ह निर्माण होत आहेत.

दक्षिण आफ्रिकेच्या अधिकार्‍यांनी घोषणा केल्यानंतर संपूर्ण जगाचं लक्ष्य याकडे लागलं आहे. दक्षिण अफ्रिकेच्या केंद्रीय आरोग्य मंत्रालयाने सर्व राज्यांना देशाबाहेरून येणाऱ्या प्रवाशांचं काटेकोरपणे टेस्टिंग करायला सांगितलं आहे. तसेच दक्षिण आफ्रिकेसह अन्य दोन देशांमधून येणाऱ्या प्रवाशांची तपासणी करण्याचे निर्देश देण्यात आले आहेत. या व्हेरिएंटची ओळख पटवण्यात आली असून दक्षिण आफ्रिका, बोत्सवाना आणि हाँगकाँग या देशांमधील नागरिकांसाठी धोका वाढल्याचं चित्र आहे.