Video: विमानात ताजी हवा येण्यासाठी महिलेने उघडलं...

बीजिंग: विमानात बसल्यानंतर ताजी हवा येण्यासाठी महिलेने केलेले कृत्य पाहून अनेकांना हसांव की रडावं हे समजेनासे झाले आहे. महिलेने केलेल्या कृत्याचा व्हिडिओ सोशल मीडियावर व्हायरल झाला आहे.

प्रसारमाध्यमांनी दिलेल्या वृत्तानुसार, चीनमध्ये देशातंर्गत प्रवास करण्यासाठी महिला Xiamen Airlines च्या विमानात बसली होती. परंतु, सीटवर बसल्यावर महिलेला गुदरमरल्यासारखे वाटू लागले. विमानाबाहेरील ताजी हवा घेण्यासाठी विमानाचा आपातकालीन दरवाजा उघडला. सुदैवाने विमान रन वे वरच होते. यावेळी बाजूला बसलेल्या प्रवाशांनी असे न करण्याबाबत सुचवले. पण, महिलेला ताजी हवा हवी होती. अखेर विमानातील कर्मचाऱयांनी याबाबतची माहिती पोलिसांना दिली. पोलिसांनी महिलेला ताब्यात घेतले. पण, यामुळे विमान उड्डाणाला एक तास उशिर झाला.

संबंधित महिलेने आपातकालीन दरवाजा उघडल्याचा व्हिडिओ सोशल मीडियावर व्हायरल झाला आहे. 18 मिलीयन नेटिझन्सनी हा व्हिडिओ पाहिला असून, प्रतिक्रियांच्या माध्यमातून व्यक्त झाले आहेत.