PM Modi Congratulated Liz Truss : लिझ ट्रस यांनी ब्रिटनच्या पंतप्रधान पदाच्या शर्यतीत भारतीय वंशांच्या ऋषी सुनक यांचा पराभव करत विजय मिळवला आहे. त्यांच्या या विजयानंतर भारताचे पंतप्रधान नरेंद्र मोदी यांनी ट्वीट करत अभिनंदन केले आहे. यामध्ये मोदींनी भारत-युकेमधील धोरणात्मक भागीदारी ट्रस यांच्या नेतृत्त्वाखाली आणखी मजबूत होईल असा विश्वास व्यक्त केला आहे.
मोदींच्या ट्वीटमध्ये काय?
युकेच्या पंतप्रधान म्हणून निवड झाल्याबद्दल लिझ ट्रस यांचे सर्वप्रथम अभिनंदन. मला खात्री आहे की, तुमच्या नेतृत्वाखाली भारत-यूके धोरणात्मक भागीदारी आणखी मजबूत होईल असा विश्वास व्यक्त करत नव्या भूमिका आणि जबाबदाऱ्यांसाठी शुभेच्छा दिल्या आहेत.
ब्रिटनच्या तिसऱ्या महिला पंतप्रधान
मार्गारेट थॅचर आणि थेरेसा मे यांच्यानंतर लिझ ट्रस या ब्रिटनच्या तिसऱ्या महिला पंतप्रधान असतील. लिझ ट्रस मंगळवारी पंतप्रधानपदाची शपथ घेणार आहेत. ट्रस यांना ८१,३२६ आणि ऋषी सुनक यांना ६०,३९९ मते मिळाल्याचे निवडणूक निकालात जाहीर करण्यात आले आहे. निवडणूक निकालापूर्वी आलेल्या मतदानपूर्व सर्वेक्षणात ऋषी सुनक हे लिझ ट्रस यांच्या मागे असल्याचे सांगण्यात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
