आता सर्वांच्या नजरा रशियावर आहेत. ट्रम्प यांचे विशेष दूत स्टीव्ह विटकॉफ पुढील काही दिवसांत रशियाचे अध्यक्ष व्लादिमीर पुतिन यांना भेटण्यासाठी मॉस्कोला भेट देण्याची अपेक्षा आहे, जिथे ते युद्धबंदीचा प्रस्ताव सादर करतील.
Ukraine Russia War : युक्रेनने काल (मंगळवार) अमेरिकेने प्रस्तावित केलेल्या तात्काळ 30 दिवसांच्या युद्धबंदीला मान्यता देण्याची घोषणा केलीये. याशिवाय, रशियासोबत शांतता प्रस्थापित करण्यासाठी तातडीने चर्चा सुरू करण्यावरही सहमती दर्शवलीये. सौदी अरेबियातील जेद्दाह येथे अमेरिका आणि युक्रेनियन अधिकाऱ्यांमध्ये नऊ तासांहून अधिक काळ झालेल्या चर्चेनंतर हा निर्णय घेण्यात आला.