'जर मी रहस्यमय परिस्थितीत मरण पावलो...'; मस्कच्या ट्वीटने खळबळ

टेस्लाचे मालक आणि जगातील सर्वांत श्रीमंत व्यक्ती एलॉन मस्क यांनी आपल्या ट्वीटरवर अकाउंटवरुन ट्वीट केलं आहे.
elon musk
elon musk Sakal

नवी दिल्ली : टेस्लाचे मालक आणि जगातील सर्वांत श्रीमंत व्यक्ती एलॉन मस्क यांनी आपल्या ट्वीटरवर अकाउंटवरुन ट्वीट केलं आहे. सध्या त्यांच्या या ट्वीटमुळे खळबळ उडाली आहे.

त्यांनी आपल्या ट्वीटमध्ये लिहीलंय की, "जर मी गूढ पद्धतीने मरण पावलो तर ते ऐकून छान वाटेल नाही का?" या त्यांच्या ट्वीटची सध्या चर्चा चालू आहे. दरम्यान त्यांनी काही दिवासांपूर्वी ट्वीटर विकत घेतल्याची घोषणी केली आहे. त्यानंतर त्यांच्या अशा आशयाच्या ट्वीटने खळबळ उडाली आहे.

दरम्यान हे ट्वीट करण्याअगोदर त्यांनी अजून एक ट्वीट केलं आहे ज्यामध्ये दोन व्यक्तींमध्ये झालेल्या संभाषणाचा आशय आहे. "तुम्ही युक्रेनमधील सैन्याला लष्करी मदत पुरवत आहात आणि यासाठी एलॉन तुम्हाला जबाबदार धरण्यात येणार आहे." असं संभाषण असल्याचं ट्वीट त्यांनी केलं होतं. त्यानंतर लगेच त्यांनी मी गूढ पद्धतीने मरण पावलो तर हे ऐकायला छान वाटेल. असं ट्वीट केलं आहे.

दरम्यान त्यांनी ट्वीट केलेल्या संभाषणामध्ये युक्रेन सैन्याला अमेरिकेच्या संरक्षण विभागाच्या मुख्यालयातून लष्करी मदत पुरवण्यात आली आहे असा आरोप केला असून मस्क यांनी रशियाच्या अशा धमक्यांचा सामना करावा लागत आहे.

त्यांच्या या ट्वीटनंतर सोशल मीडियावर प्रतिक्रिया उमटल्या असून काहींनी त्यांच्या या ट्वीटवर ते दारुच्या नशेत असताना हे ट्वीट केलं असल्याचं म्हटलं आहे. तर काहींनी त्यांना पाठिंबा देण्याचं आवाहन केलं आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com