नवी दिल्लीः एका नामांकित कंपनीच्या बर्गरमधून विषाणूचा प्रसार झाल्याने खळबळ उडाली आहे. रेस्टॉरंटच्या क्वार्टर पाउंडर हॅमबर्गरच्या सेवनाने एकाचा मृत्यू झाला तसेच ४९ जण आजारी पडले आहेत. यापैकी दहा जणांवर रुग्णालयात उपचार सुरू आहेत..वॉशिंग्टनमध्ये हा प्रकार समोर आला आहे. यूएस सेंटर फॉर डिसीज कंट्रोल ॲड प्रिव्हेंशन (सीडीसी) ने यासंदर्भात माहिती दिली. सप्टेंबर महिन्यात या विषाणूचा प्रसार झाला. हा प्रसार दहा राज्यांत झाला असून आजारी पडलेले ४९ रुग्ण हे कोलोरॅडो आणि नेब्रास्का येथील आहेत. यादरम्यान, चौकशी पथक बर्गरच्या स्टोअरमधील कापून ठेवलेले कांदे आणि पॅटीसची तपासणी करत आहेत. .तपासणी पूर्ण होईपयंत रेस्टॉरंटचे सामान ताब्यात घेतले आहे. दरम्यान, मॅकडोनाल्ड अमेरिकेचे अध्यक्ष जो एर्लिंगर यांनी एका व्हिडिओ संदेशात म्हटले, ग्राहकांची खाद्य सुरक्षा माझ्यासाठी आणि मॅकडोनाल्डमधील सर्वांसाठी महत्त्वाची आहे. आम्ही काही राज्यातील क्वार्टर पाउंडर बर्गरमध्ये वापरले जाणारे चिरलेले कांदे वापरण्यास मनाई केली आहे..अमेरिकेतील सर्व रेस्टॉरंट सुरक्षित असून क्वार्टर पाउंडर हॅमबर्गरशी संबंधित घातक ई कोली विषाणूंचा उद्रेक कशामुळे झाला, त्याचा शोध घेण्याचे काम सुरू असल्याचे मॅकडोनाल्डने स्पष्ट केले आहे. दरम्यान, सीडीसीने क्वार्टर पाउंडरचे सेवन करणाऱ्यांनी खबरदारी घेण्याचे आवाहन केले. त्याच्या सेवनानंतर तीन ते चार दिवसांनंतर संसर्गाचा परिणाम जाणवू लागतो आणि त्यापैकी बहुतांश व्यक्ती उपचार न करता पाच ते सात दिवसांत आपोआप बरे होतात. काही प्रकरणात ते गंभीर होऊ शकतात आणि त्यांना रुग्णालयात दाखल होणे गरजेचे आहे, असे सीडीसीने म्हटले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
