नवी दिल्ली- ब्रिटनच्या ब्रिक्सटनमध्ये एका व्यक्तीला महिलेवर बलात्कार केल्याप्रकरणी अटक करण्यात आली आहे. विशेष म्हणजे महिला आणि व्यक्तीने एकमेकांसोबत संमतीने लैंगिक संबंध ठेवले होते. पण, आरोपीने महिलेला माहिती न देता कंडोम काढला होता. त्यामुळे त्याला कोर्टाने बलात्कार प्रकरणी दोषी ठरवलं आहे. आरोपीला कोर्टाने चार वर्षे आणि तीन महिन्यांची शिक्षा सुनावली आहे.
आरोपीला शिक्षा होण्यामागे स्टेल्थिंग (Stealthing) कारण ठरलं आहे. स्टेल्थिंगला बलात्कार मानलं जातं. यामध्ये जेव्हा दोन व्यक्ती प्रोटेक्शन वापराची अट ठेवून लैंगिक संबंध ठेवण्यास तयार होतात, पण एखादा व्यक्ती कंडोम वापराबाबत खोटे बोलतो आणि लैंगिक संबंध ठेवतो किंवा दुसऱ्या व्यक्तीच्या परवानगी शिवाय कंडोम काढतो याला स्टेल्थिंग म्हटलं जातं. त्यामुळे हा प्रकार बलात्काराच्या व्याख्येत मोडतो. मिररने यासंदर्भातील रिपोर्ट दिला आहे.
३९ वर्षी गाई मुकेंदी याला याप्रकरणी दोषी ठरवण्यात आलं आहे. शिवाय त्याला अटक करण्यात आली आहे. त्याने एका महिलेसोबत लैंगिक संबंध ठेवले. पण, कंडोम वापरल्याची खोटी माहिती त्याने महिलेला दिली. त्यामुळेच आरोपीला कोर्टाने चार वर्षे तीन महिन्यांची शिक्षा सुनावली आहे. ब्रिक्सटनच्या महिलेने गाई मुकेंदीसोबत कंडोम वापरून लैंगिक संबंध ठेवण्यास संमती दिली होती. पण, त्याने प्रोटेक्शन वापरले नाही. मुकेंदीने कोणतीही माहिती न देता मध्येच कंडोम काढले होते.
पीडित महिलेने ९ मे रोजी याप्रकरणी पोलीस स्टेशनमध्ये जाऊन तक्रार दिली होती. याप्रकरणी पोलिसांनी तपास सुरू केला होता. तपास सुरू झाल्यानंतर आरोपी मुकेंदीने महिलेला पाठवलेले मेसेज डिलिट केले होते. या मेसेजमध्ये त्यांनी कंडोम न वापरल्याबद्दल महिलेची माफी देखील मागितली होती. पोलिसांनी हे मेसेज मिळवले होते. हेच पुरावे आरोपीला दोषी ठरवण्यासाठी निर्णायक ठरले.
सदर प्रकरणाचा तपास करणारे पोलीस अधिकारी जॅक अर्ल यांनी यांसदर्भात माहिती देताना सांगितलं की, 'मुकेंदी याला ताब्यात घेऊन त्याची चौकशी करण्यात आली होती. पण, त्याने काही चूक केल्याचे कबुल करण्यास नकार दिला होता. मात्र, त्याच्या विरोधात अनेक पुरावे होते. त्यामुळे त्याला शिक्षा सुनावताना कोर्टाच्या मनात कोणतीही शंका राहिली नव्हती.'
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
