Goa : काँग्रेसला आमदारांच्या EXIT ची भिती? हॉटेलमध्ये ठेवण्याची तयारी सुरु

गोवा विधानसभा निवडणुकीच्या एक्झिट पोलच्या अंदाजानंतर काँग्रेस आपल्या आमदार उमेदवारांसह सज्ज झाली आहे. मंगळवारी, एक्झिट पोलच्या एका दिवसानंतर, गोवा काँग्रेसने इतर पक्षांशी संपर्क टाळण्यासाठी आपल्या आमदार उमेदवारांना रिसॉर्टमध्ये ठेवण्यासाठी हालचाली सुरु केल्या आहेत. पक्षाच्या एका ज्येष्ठ नेत्याने ही माहिती दिली.

मागील काही महिन्यांपासून देशातील पाच राज्यांच्या विधानसभा निवडणुकांची रणधुमाळी सुरु आहे. सत्ताधारी आणि विरोधक यांच्यातील आगामी संबंधित राज्यातील सत्तेसाठी चढाओढ पाहायला मिळाली. उत्तर प्रदेशातील मतदान संपल्यानंतर आता एक्झिट पोल समोर येत आहेत. यात भाजप आणि काँग्रेसमध्ये सत्तेसाठी चुरस बघायला मिळेल असा अंदाज वर्तवण्यात आला आहे.

टाइम्स नाऊच्या एक्झिट पोलनुसार गोव्यात काँग्रेसला 16 तर भाजपला 14 जागा मिळण्याची शक्यता व्यक्त केली आहे. तर आम आदमी पक्षाला 4 आणि इतर पक्षांना 6 जागा मिळतील असं म्हटलं आहे.

इंडिया टुडे आणि अॅक्सिस माय इंडिया एक्झिट पोल

भाजप : 14-18

काँग्रेस : 15-20

मगोप : 2-5

इतर : 0-4 (Total seat: 40)