गोव्यात मुख्यमंत्रिपदावरून पेच, प्रमोद सावंतांचा पत्ता कट?

Goa Assembly MLA Oath
Goa Assembly MLA Oathe sakal

पणजी : गोव्यात विधानसभा निवडणुकीचे निकाल (Goa Assembly Election Result) १० मार्चला जाहीर झाले आहेत. भाजपने (BJP) ४० पैकी २० जागा मिळवून अपक्षांच्या पाठिंब्याने सरकार स्थापनेसाठी दावा केला आहे. येत्या मंगळवारी आमदारांचा शपथविधी होणार आहे. पण, अद्यापही मुख्यमंत्रिपदाच्या नावाची घोषणा झाली नाही. पक्षातील अंतर्गत वादामुळे मुख्यमंत्र्यांच्या नावाची घोषणा करण्यास उशिर होत आहे, असं बोलले जात आहे. पण, पक्षामध्ये कुठलेही वाद नाही, असं गोवा भाजपच्या वतीने सांगण्यात आलं आहे.

Goa Assembly MLA Oath
Kirit Somaiya: ठाकरेंना त्यांची इज्जत गोवा आणि उत्तर प्रदेशच्या लोकांनी हातात दिली आहे !

गोवा विधानसभेची (Goa Assembly) मुदत १६ मार्चला संपत आहे. त्यामुळे इथं लवकर सत्ता स्थापन करणे गरजेचे आहे. भाजप आमदारांनी राज्यपालांची भेट घेत सत्तास्थापनेचा दावा केला. त्यानुसार मंगळवारी शपथविधी होणार आहे. पण, आमदार विश्वजीत राणे हे मुख्यमंत्रिपदासाठी अडून बसल्याची माहिती आहे. त्यांनी शनिवारी अचानक राज्यपालांची भेट देखील घेतली होती. तसेच दिव्या राणे या विश्वजीत राणे यांच्या पत्नी असून त्या परवेम विधानसभा मतदारसंघातून निवडून आल्या आहेत. त्यांनी एका मराठी वृत्तपत्रात मोठी जाहिरात दिली असून त्यामध्ये गोव्याचे मुख्यमंत्री प्रमोद सावंत यांचा फोटो नाही. त्यामुळे प्रमोद सावंत यांचा पत्ता कट होणार का? अशा चर्चा रंगल्या आहेत.

गोव्यात मुख्यमंत्र्यांबाबत अजूनही संभ्रम आहे. भाजप नेते विश्वजित राणे हे मुख्यमंत्रीपदाचे दावेदार असल्याचे बोलले जात आहे. गोव्यात भाजपने 40 पैकी 20 जागा जिंकल्या असून काही अपक्ष आमदारांनीही त्यांना पाठिंबा दिला आहे. प्रमोद सावंत यांना त्यांची जागा अत्यंत कमी मतांनी जिंकता आली आहे. अशा स्थितीत यावेळी राज्याची सूत्रे कोण हाती घेणार? याकडे सर्वांचे लक्ष लागले आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com