लवकरच पंचायत निवडणूक लढवणार; लुईजिन्हो फलेरोंची घोषणा

गोवा : पाच राज्यांच्या विधानसभा निवडणुकीच्या निकालाची प्रतिक्षा आता सत्ताधारी आणि विरोधकांना लागली आहे. त्यातच आम आदमी (AAP) पार्टीनंतर यंदा ममता बॅनर्जींनी (Mamata Banerjee) विधानसभा निवडणूकीत उतरल्या आहेत. त्यामुळे निकालाकडे सगळ्यांचे लक्ष लागले आहे. माजी मुख्यमंत्री आणि तृणमूल काँग्रेसचे राष्ट्रीय उपाध्यक्ष, लुईजिन्हो फलेरो ( Luizinho Faleiro) यांनी लवकरच पंचायत निवडणूक (Gram Panchayat Election) लढवणार असल्याची घोषणा आज केली आहे. आज माध्यमांशी बोलताना त्यांनी ही माहिती दिली.

ते म्हणाले, गोव्यात काय होईल हे कोणीही सांगू शकत नाही. आता निवडणुकीच्या निकालाची वाट पाहू. या तीन महिन्यांत पक्षाने गोव्याच्या राजकीय परिस्थितीत उभी उडी घेतली आहे. आम्ही लवकरच पंचायत निवडणूक लढवणार असल्याची घोषणा केली.