Arthritis | मान, कंंबर, खांदे, गुडघे यांतील वेदनेमुळे येऊ शकतो heart attack | Sakal
sakal

बोलून बातमी शोधा

Arthritis

Arthritis : मान, कंंबर, खांदे, गुडघे यांतील वेदनेमुळे येऊ शकतो heart attack

मुंबई : मानवी शरीर हे एखाद्या आश्चर्यापेक्षा कमी नाही. जगातील सर्वोत्कृष्ट शास्त्रज्ञ मानवी शरीरावर किंवा त्याच्याशी संबंधित आजारांवर अभ्यास करत राहतात आणि प्रत्येक संशोधनातून नवीन माहिती समोर येते. आता नॉटिंगहॅम आणि कीले युनिव्हर्सिटीचे नवीन संशोधन घ्या, या अभ्यासात असे समोर आले आहे की मान, कंबर, खांदा आणि गुडघ्याच्या सांध्यातील वेदना यांमुळे हृदयविकाराचा झटका आणि पक्षाघाताचा धोका वाढतो.

हेही वाचा: Constipation : ही आहेत बद्धकोष्ठतेची कारणे; या घरगुती उपायांनी करा समस्या दूर

एवढेच नाही तर गाउटमुळे केवळ हृदयविकाराचा झटका आणि ब्रेन हॅमरेजच नाही तर काही वेळा फुफ्फुसात संसर्ग होण्याची भीतीही असते, असेही या अहवालात आढळून आले आहे. गाउट रोगाचा हृदय-मेंदू आणि फुफ्फुसांवर कसा परिणाम होतो. हे जाणून घेण्यासाठी आधी संधिवात कसा होतो ते समजून घ्या.

गाउट होण्याचे मुख्य कारण म्हणजे यूरिक ऍसिडचे प्रमाण वाढणे. कारण वाढलेले युरिक अॅसिड क्रिस्टल्स तयार होऊन सांध्यांमध्ये जमा होऊ लागतात. त्यामुळे सांधे जाम होतात आणि सूज येऊन वेदना वाढू लागतात.

अलीकडील संशोधनानुसार, यूरिक ऍसिडचे हे क्रिस्टल्स हृदय आणि मेंदूला होणार रक्तपुरवठा रोखतात. ज्यामुळे हृदयविकाराचा झटका आणि पक्षाघात देखील होऊ शकतो.

सांधेदुखीच्या रुग्णांनी या ऋतूत अधिक काळजी घेणे गरजेचे आहे. कारण पावसाळ्यात वातदोष वाढतो ज्यामुळे सांधेदुखीचा त्रास होतो आणि उठणे-बसणे कठीण होते. म्हणजेच, सांधेदुखीने बळी पडलेल्या देशातील १८ कोटींहून अधिक लोकांसाठी हा सुखद पावसाळा सध्या आपत्ती आहे.

हेही वाचा: Family planning : नवविवाहित जोडप्यांना मिळणार कंडोम आणि गर्भनिरोधक गोळ्या

संधिवात कसा होतो ?

युरिक ऍसिड वाढल्यामुळे त्याचे रुपांतर क्रिस्टल्समध्ये होते. सांंध्यांमध्ये क्रिस्टल्स जमा होतात. सांधे कडक होऊ लागतात.

संधिवाताची कारणे

वाईट जीवनशैली, चुकीचे खाणे, वाढलेले वजन, खनिजांची कमतरता, व्हिटॅमिनची कमतरता, हार्मोन्स असंतुलन, इत्यादी

संधिवात लक्षणे काय आहेत ?

सांधेदुखी-क्लॅम्प, गुडघ्यांमध्ये सूज येणे, मोडलेली हाडे, त्वचा लाल होणे.

हाडे कशी मजबूत होतात ?

आहारात कॅल्शियम वाढवा. १ कप दूध प्या. सफरचंद सायडर व्हिनेगर प्या. कोमट पाण्यातून दालचिनी-मध प्या. सांधेदुखीत आराम मिळेल. कोमट मोहरीच्या तेलाची मालिश करा. वेदनांवर उबदार पट्टी लावा. कोमट पाणी आणि रॉक मीठ मिसळून कॉम्प्रेस बनवा.

Web Title: Arthritis Pain In Neck Waist Shoulders Knees Can Cause Heart Attack

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :World Arthritis Day