आशा नेगी - लेखिका, कॅन्सर जनजागृतीसाठी कार्यरत
कर्करोग ही केवळ शरीराची नाही, तर मनाचीही परीक्षा असते. या आजाराचा सामना करताना उपचारांचे त्रास, मानसिक तणाव, सामाजिक व कौटुंबिक अपेक्षा आणि आर्थिक जबाबदाऱ्या या सगळ्यांशी एकाचवेळी लढावं लागतं. विशेषतः कर्करोगाशी झुंजणारी व्यक्ती एक स्त्री असते, तेव्हा तिच्यावरच्या जबाबदाऱ्यांचं ओझं अधिकच वाढतं. कारण ती एक आई, मुलगी, पत्नी आणि अनेकवेळा घरातली आर्थिक कणादेखील असते.