तंत्रज्ञानाच्या जंजाळातून मुक्ती

मागच्या आठवड्यात एका जुन्या मित्राला मी खूप वर्षांनी भेटले. आम्ही कॉफीची ऑर्डर द्यायच्या आधीच त्याच्या नेहमीच्या स्टाइलने तो म्हणाला, ‘एकच क्षण हं..’ खिशातून फोन काढला, स्विच ऑफ केला, बॅगमध्ये ठेवला आणि म्हणाला, ‘हं आता बोल, कशी आहेस?’ मी म्हणाले, ‘छान आहे; पण फोन ऑफ का केलास, कोणाचा आला तर?’ तो म्हणाला, ‘पण मी आता तुझ्याबरोबर आहे ना, फोन कशाला हवा. नंतर बघेन की.’