मन-निर्मळ : आधार, विरह आणि मी...

डॉ. सुवर्णा बोबडे, समुपदेशक व मानसशास्त्रज्ञ

डॉक्टर, मला एक विचित्र भीती वाटते.’’ समुपदेशनासाठी आलेली चाळिशीतली स्त्री सांगत होती. अविवाहित, चांगल्या पदावर नोकरी, आर्थिकदृष्ट्या स्वतंत्र, स्वतःचे घर, मित्रमैत्रिणींचा मोठा गोतावळा. तरीही ती अस्वस्थ होती.

‘‘बाबा गेल्याला वर्ष झालं. आता आई आहे. पण तिचं वय वाढतंय. हल्ली तिने फोन उशिरा उचलला तरी माझा जीव घाबरतो. सतत एकच विचार येतो- आई गेली तर माझं काय?’’

काही क्षण शांतता होती. मग ती म्हणाली, ‘‘खरं सांगायचं तर मला आईची काळजी वाटते की माझी, हेच समजत नाही.’’