कोवॅक्सिन 2 ते 18 वयोगटातील मुलांसाठी उच्च रोगप्रतिकारक - Lancet | Sakal
sakal

बोलून बातमी शोधा

COVAXIN

कोवॅक्सिन 2 ते 18 वयोगटातील मुलांसाठी उच्च रोगप्रतिकारक - Lancet

नवी दिल्ली : भारत बायोटेकची कोवॅक्सिन कोरोना प्रतिबंधक लस ही २ ते १८ वयोगटातील मुलांसाठी उच्च रोगप्रतिकारक असल्याचा दावा लॅन्सेट या विज्ञानविषय नियतकालिकात प्रकाशित झालेल्या एका अभ्यासात करण्यात आला आहे. तसेच भारत बायोटेक इंटरनॅशनल लिमिटेडच्यावतीनंही (BBIL) शुक्रवारी याची घोषणा करण्यात आली. (Covaxin vaccine safe highly immunogenic in children aged 2 to 18 Lancet study)

हेही वाचा: मुंबई : हिंदमाता, मिलन सब वे यंदा तुंबणार नाहीत - आदित्य ठाकरे

यासंदर्भात लॉन्सेटमध्ये १६ जून रोजी एक अभ्यास प्रकाशित करण्यात आला. यामध्ये म्हटलं की, भारत बायोटेकने 2 ते 18 वयोगटातील निरोगी मुलं आणि किशोरवयीन मुलांमध्ये कोवॅक्सिनची सुरक्षितता, प्रतिक्रिया आणि रोगप्रतिकारक शक्तीचं मूल्यांकन करण्यासाठी फेज II/III, ओपन-लेबल आणि मल्टीसेंटर अभ्यास केला होता. दरम्यान, जून 2021 ते सप्टेंबर 2021 या कालावधीत लहान मुलांमध्ये झालेल्या क्लिनिकल चाचणीमध्ये सुरक्षितता, कमी प्रतिक्रियाकारकता आणि चांगली रोगप्रतिकारकता दिसून आली.

हेही वाचा: अग्निपथ योजनेचा पहिला बळी? सैन्यभरतीची तयारी करणाऱ्या तरुणाची आत्महत्या

दरम्यान, हा डेटा ऑक्टोबर २०२१ मध्ये सेन्ट्रल ड्रग्ज स्टॅंडर्ड कन्ट्रोल ऑर्गनायझेशनकडे (CDSCO) सोपवण्यात आला. त्यानंतर ६ ते १८ वयोगटातील मुलांसाठी आपत्कालिन वापरासाठी या लसीला परवानगी मिळाली. याबाबत भारत बायोटेकचे चेअरमन आणि एमडी डॉ. कृष्णा इल्ला म्हणाले, लहान मुलांना लसीपासून सुरक्षा मिळणं ही अत्यंत महत्वाची बाब आहे. पण आम्हाला आनंद होतोय की आमच्या कोव्हॅक्सिन या लसीनं मुलांची सुरक्षा आणि रोगप्रतिकारशक्ती वाढत असल्याचं सिद्ध केलं आहे.

हेही वाचा: एलाॅन मस्क यांच्याविरोधात २० हजार अब्ज रुपयांचा नुकसान भरपाईचा दावा

अभ्यासात कोणतीही गंभीर प्रतिकूल घटना नोंदवली गेलेली नाही. एकूण 374 प्रतिकूल घटनांची नोंद यामध्ये करण्यात आली आणि त्यापैकी बहुतांश घटना सौम्य स्वरूपाच्या होत्या आणि एका दिवसात त्याचं निराकरणही झालं. कोवॅक्सिन ही द्रव स्वरुपातील लस आहे. जी 2 ते 8 डिग्री सेल्सिअस तापमानात साठवली जाते. या लशीचं शेल्फ लाइफ 12 महिने असते, अशी माहितीही डॉ. कृष्णा यांनी दिली.

Web Title: Covaxin Vaccine Safe Highly Immunogenic In Children Aged 2 To 18 Lancet Study

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top