Diabetes: जांभळाची पाने मधुमेह असलेल्या लोकांकरीता संजीवनी वनस्पतीप्रमाणे काम करतात

मधुमेहासाठी जांभळाची पाने ही संजीवनी वनस्पतीप्रमाणे आहेत. शरीरातील साखर नियंत्रणात ठेवण्यासाठी मधुमेह असलेले व्यक्ती हे जांभळाच्या पानांपासून बनवलेले ज्युस पितात. आपल्या देशात मोठ्या प्रमाणात लोकांना मधुमेह होत आहे. म्हणजे परिस्थिती अशी आहे की आता भारताला मधुमेहाची राजधानी म्हटले जात आहे.

भारतातील 75 टक्क्यांहून अधिक रुग्णांच्या शरीरात साखरेची पातळी नियंत्रणात नसल्याचे अनेक वैद्यकीय संशोधनातून समोर आले आहे. मधुमेहावर नियंत्रण ठेवणे अत्यंत आवश्यक आहे.नाही तर तुम्हाला हृदयविकार, किडनी आणि फुफ्फुसांचे आजार होण्याचा धोका निर्माण होऊ शकतो. अशा परिस्थितीत जांभळाचे सेवन मधुमेह कमी करण्यासाठी खूप प्रभावी वनस्पती औषध ठरते.फक्त जांभूळच नाही तर त्याची पाने देखील मधुमेह कमी करण्यासाठी खूप प्रभावी आहेत.

या लेखात आम्ही तुम्हाला जांभळ्याच्या पानांनी मधुमेह कसा नियंत्रित होऊ शकतो याविषयी सविस्तर माहिती सांगणार आहोत.

जांभूळ हे एक हंगामी फळ आहे जे खायला सर्वांना आवडते. जांभळ्याच्या फायद्यांबद्दल आपल्याला माहिती आहेच, पण जांभळ्याच्या पानांमध्ये सुध्दा अनेक औषधी गुणधर्म असतात, ज्याचा उपयोग अनेक प्रकारच्या आयुर्वेदिक औषधांमध्ये केला जातो हे फार कमी लोकांना माहिती आहे.

जांभूळ उन्हाळ्यात पिकते. या फळाचा सर्वाधिक फायदा हा मधुमेहाच्या रुग्णांना होतो. या आम्लयुक्त फळाची चव खायला तुरट असते. हिवाळ्यात किंवा पावसाळ्यात हे फळ आपल्याला कुठेच मिळत नाही. जांभळासोबत त्याची पानेही खूप गुणकारी असतात. तुम्हाला जर का मधुमेह असेल तर तुम्ही तुमचा मधुमेह नियंत्रणात ठेवण्यासाठी जांभळाची पाने देखील वापरू शकता. कारण जांभळाच्या पानातील तुरट आणि अम्लीय गुणधर्म शरीरातील अनेक समस्या दूर करण्यात प्रभावी आहेत.

जांभळामध्ये मॅग्नेशियम, फायबर, लोह, व्हिटॅमिन ए, व्हिटॅमिन बी आणि व्हिटॅमिन सी यांसारख्या अनेक पोषक तत्वांचा समावेश आहे, जे शरीरातील अनेक रोग बरे करू शकतात.

तुम्हाला ऐकून आश्चर्य वाटेल पण हे सर्व पोषक तत्व जांभळाच्या पानांमध्येही आढळतात. जांभळाच्या पानांपासून तयार केलेला चहा घेतल्याने मधुमेह नियंत्रित ठेवता येतो. जांभळाची पाने ही तुमच्या रक्तातील साखर नियंत्रणात ठेवण्यास मदत करतात.

जांभळाच्या पानांचे सेवन मधुमेहाच्या रुग्णांसाठी खूप फायदेशीर मानले जाते. जांभळाच्या पानांमध्ये अँटी-हायपरग्लायसेमिक गुणधर्म आढळतात, जे रक्तातील साखरेची पातळी कमी करण्यास मदत करतात. जे मधुमेह नियंत्रित ठेवण्यास मदत करते. मधुमेहावर नियंत्रण ठेवण्यासाठी तज्ज्ञ जांभळाची चार ते पाच पाने बारीक करून सकाळी उठल्यावर त्याचे ज्यूस प्यायला सांगतात.

जांभळाच्या पानांचा चहा अत्यंत गुणकारी आहे.

जांभळाच्या पानांपासून तयार केलेला चहा मधुमेहींसाठी खूप फायदेशीर ठरतो. संशोधनानुसार, जांभळाच्या पानांमध्ये मधुमेहविरोधी गुणधर्म आढळतात, जे रक्तातील साखर नियंत्रित करण्यासाठी प्रभावी ठरू शकतात. अशा परिस्थितीत जांभळाच्या पानांपासून तयार केलेला चहा रोज पिल्यास मधुमेहींना खूप फायदा होऊ शकतो.

जांभळाच्या पानांचा चहा कसा तयार करायचा?

सुरुवातीला एक कप पाणी घ्यावे. एका पातेल्यात हे पाणी टाकून चांगले उकळावे. यानंतर जांभळाची चार ते पाच पाने स्वच्छ धुवून या पाण्यात टाकावीत. जर तुमच्याकडे जांभळाच्या पानांची पावडर असेल तर तुम्ही एख चमचा पाणी घालून पावडर उकळू शकता. पाणी चांगले उकळले की ते गाळून घ्या. आता तुम्ही त्यात मध किंवा काही थेंब लिंबाचा रस मिसळून हा चहा घेऊ शकता. हे तुमच्या आरोग्यसाठी खूप फायदेशीर ठरू शकेल.