Bhujangasana for PCOS, digestion, and back pain: योगासनासाठी सूर्योदयापूर्वी तासभर तरी आधी उठावे. अशावेळी शरीराची विश्रांती झाल्यामुळे बुद्धी शुद्ध व सात्त्विक असते. चूळ भरून कोमट पाणी प्यावे, शौचाला साफ झाल्यानंतर ऋतुमानाप्रमाणे थंड किंवा गरम पाण्याने स्नान करून योगासनांच्या अभ्यासाला सुरुवात करावी. रजस्वला महिलांनी आसन करू नये. गर्भवती महिलांनी केवळ तज्ज्ञ व्यक्तीच्या मार्गदर्शनाखालीच योगासने करावीत. ज्वर आला असताना, जोराचा वारा चालत असताना, कोंदट हवेत व्यायाम करू नये.
या आसनात शरीराची स्थिती फणा काढलेल्या सापासारखी होते.
भुजंगासनाची स्थिती:
उपडे झोपून डोक्‍यासमोर हात पसरून पायाचे तळवे आकाशाकडे करून टाचा जुळवून ठेवणे.
(1) दोन्ही हात छातीच्या बाजूला तळवे जमिनीवर टेकून ठेवावेत.
(2) श्वास घेऊन नाभीच्या वरचा भाग उचलावा. दृष्टी छताकडे ठेवावी. पूर्णस्थिती.
(3) हळूहळू श्वास सोडत डोके खाली ठेवा.
(4) पूर्वस्थिती.
(5) दोन्ही हात मांड्यांवर उपडे ठेवा.
(6) श्वास घेऊन डोके व छाती वर उचलावी. ही आसनाची पूर्णस्थिती.
(7) श्वास सोडत डोके खाली ठेवावे.
(8) आणि पूर्वस्थितीत यावे.
2 मिनिटे
स्त्रियांचे गर्भाशय, मासिक पाळीसंबंधी विकार दूर होतात.
छाती, फुप्फुस, हृदय, पाठीचे रोग समाप्त होतात.
मंदाग्नी दूर होऊन पचनशक्ती व भूक वाढते.
मधुमेहात फायदा होतो.
- चारुता वाडेगावकर
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
