Iron Deficiency : शरीरात होऊ देऊ नका लोहाची कमतरता, होऊ शकतात हे 4 गंभीर आजार

Iron Deficiency : लोह आपल्या शरारीसाठी फार आवश्यक आहे. लोहामध्ये शरीरासाठी आवश्यक पोषक तत्व असतात जे शरीराची अनेक आजारांपासून रक्षा करतात. शरीरात लोहाची कमतरता झाल्यास अशक्तपणा जाणवतो. आणि त्यामुळे शरीरातील हिमोग्लोबिनही कमी होऊ लागते.

तेव्हा तुमच्या आहारात नियमित लिंबू, पालक, बीट, पिस्ता, पेरू, केळी आणि अंजीरसारख्या पदार्थांचा समावेश करून घ्या. शरीरात लोहाची कमतरता उद्भवल्यास कोणकोणते आजार तुम्हाला होऊ शकतात ते जाणून घेऊयात.

लोहाची कमतरता झाल्यास....

१. अॅनिमिया

शरीरात लोहाची कमतरता झाल्यास अॅनिमियाची समस्या उद्भवते. हा एक असा आजार आहे जो शरीरात रक्ताच्या कमतरतेमुळे होतो. ही समस्या महिलांमध्ये जास्त प्रमाणात दिसून येते. तेव्हा रोज असे पदार्थ आवर्जून खावे जे तुमच्या शरीरात रक्ताची कमतरता भरून काढेल.

२. अशक्तपणा

जेव्हा शरीरात लोहाची कमतरता असते तेव्हा शरीरात पुरेसे हिमोग्लोबिन तयार होत नाही. त्यामुळे भरपूर प्रमाणात झोप घेऊनही अशक्तपणा जाणवतो. अशक्तपणामुळे जास्त थकवा जाणवतो आणि आपल्या दैनंदिन कामात लक्ष लागत नाही. (Disease)

३. हृदयविकार

आरोग्याची योग्य काळजी न घेतल्याने हल्ली अनेक लोकांमध्ये हृदयविकाराचे प्रमाण वाढतच चालले आहे. शरीरात लोहाच्या कमतरतेमुळे रक्तपुरवठा नीट होत नाही. त्यामुळे विविध अवयवांना ऑक्सिजनचा पुरवठासुद्धा सुरळीत होत नाही. ज्यामुळे हृदयावर ताण पडतो. आणि हृदयविकाराचा धोका वाढतो. (health)

४. हेअर आणि स्किन डिसीज

लोहाची शरीरात कमतरता झाल्यास स्कीनच्या समस्यासुद्धा वाढतात. उदा. चेहऱ्यावर डाग, त्वचा ड्राय होणे, त्वचेचा रंग डल पडणे, त्वचा निर्जिव होणे. याशिवाय केस गळणे आणि डँड्रफच्या समस्याही वाढतात.