कंबरेच्या मणक्‍यातील दाब

डॉ. जयदेव पंचवाघ (मेंदू आणि स्पाईन सर्जन)

आरोग्य‘चेतना’

‘‘डॉक्टर, गेली पाच वर्षे मी कशी काढली हे माझं मलाच समजत नाही.’’ निर्मलाताई मला सांगत होत्या. अत्यंत कर्तव्यदक्ष व कार्यक्षम शिक्षिका म्हणून निर्मलाताई नावाजलेल्या होत्या.

त्यांचा बराच कार्यकाळ मुंबईत गेलेला. गेल्या पाच-सहा वर्षापासून त्यांच्या कार्यक्षमतेला एक अत्यंत वेदनादायक अडथळा सुरू झाला होता. तो म्हणजे तीव्र कंबरदुखीचा.