मन-निर्मळ : हिमगौरीचं काय करायचं?

डॉ. सुवर्णा बोबडे, समुपदेशक व मानसशास्त्रज्ञ

काही दिवसांपूर्वी पालकत्वावरील एका सत्रात एका आईने थोडं संकोचत हात वर करून विचारलं, ‘‘माझी एक विचित्र अडचण झाली आहे...’’ सगळ्यांचं लक्ष तिच्याकडे गेलं. ती म्हणाली, ‘‘माझ्या मुलीला रोज झोपताना गोष्ट हवी असते. सुरुवातीला मी आनंदाने गोष्टी सांगायचे. पण आता गोष्ट सांगायला सुरुवात केली की मनात प्रश्‍न सुरू होतात. हिमगौरीची गोष्ट सांगू का?... त्यात गोरेपणाचा मुद्दा आहे. राजा-राणीची गोष्ट सांगू का?... त्यात मुलगा हवा म्हणून यज्ञ आहेत. आवडती राणी, नावडती राणी आहे. मग मला वाटतं हे चुकीचं तर नाही ना? मग गोष्ट सांगतानाच मी अडकून जाते!’’