योग जीवन : कार्यालयीन योग-४

कार्यालयात बराच वेळ बसून कंबर दुखीचा त्रास अनेक जणांना होत असतो. चालताना किंवा वाहनावर जाताना जर्क बसल्यानेही कंबरदुखी, लंबर स्पॉंडिलायटीसचा त्रास होत असतो. त्यांच्यासाठी हा स्ट्रेच उपयोगी आहे.

असे करावे आसन

• खुर्चीच्या पाठीमागच्या बाजूला ताठ उभे राहावे.

• दोन्ही हातांनी खुर्ची पकडावी.

• त्यानंतर एक पाय सावकाश जमिनीपासून वर मागच्या बाजूने उचलावा.

• साधारण ५ ते १० सेकंद स्थिर राहावे.

• श्वसन संथ सुरू असावे.

• एका पायाने झाल्यावर दुसऱ्या पायानेही करावे.

आसनाचे फायदे

• या आसनामुळे कंबरेच्या स्नायूंवर दाब येतो. त्यामुळे ते अधिक सशक्त होतात.

• कंबरदुखी कमी होण्यास मदत होते.

• पोटावर झोपून जसे एकपाद शलभासन करतात, तसेच हा दंडस्थितीमधील स्ट्रेच आहे.

• यामध्ये जो पाय वर उचलला जातो, त्या बाजूला पोटावर ताण येतो. त्यामुळे त्या भागातील पोटावरील अतिरिक्त चरबी कमी होण्यास मदत होते.