तिला मुक्त व्हायचंय! : मन उधाण...

डॉ. मृदुला आपटे, क्लिनिकल सायकोलॉजिस्ट

अनिंदिता ही नुकतंच सोळावं सरलेली आनंदी, उत्साही आणि ऊर्जेनं भरलेली मुलगी होती. पण तिची एकच समस्या होती, ती म्हणजे आपण इतर मुलामुलींपेक्षा वेगळे आहोत असं तिला वाटायचं. समुपदेशक असलेल्या ऋताकडे अनिंदिता आली तेव्हा ती पूर्णपणे गोंधळलेली आणि अस्वस्थ दिसत होती. ती ऋताला सांगत होती, ‘‘मला कोणतीच गोष्ट व्यवस्थित करता येत नाही.’’ ऋतानं तिला पाणी दिलं आणि शांत केलं. मग अनिंदिताकडून ‘रिलॅक्सेशन’चा व्यायाम करवला. थोड्या वेळाने अनिंदिता शांतपणे बोलू लागली.