संवादसेतू : मनाचा लढा : ‘ओसीडी’

डॉ. मृदुला आपटे, क्लिनिकल सायकोलॉजिस्ट

दीपू १२ वर्षांचा हसतमुख आणि आज्ञाधारक मुलगा होता. पण काही महिन्यांपासून काही गोष्टींमुळे तो अस्वस्थ झाला होता. अचानक, कोणत्याही कारणाशिवाय त्याच्या मनात एक भयंकर विचार यायचा- ‘आई-बाबांच्या बाबतीत काही वाईट होणार नाही ना?’ हे मनात आल्यावर भीतीची एक लाट त्याला घेरून टाकायची. एकदा त्याने हे आईला सांगितले. आईने प्रेमाने समजावून सांगितले आणि ‘काळजी करू नको,’ म्हणाली.