Throat Infection : घसा खवखवण्याकडे करू नका दुर्लक्ष, अन्यथा ‘या’ आजारांना बळी पडाल

Throat Infection : वातावरणात बदल झाला की, त्याचा आपल्या आरोग्यावर लगेच परिणाम होतो. थंडीच्या दिवसांमध्ये तर सर्दी, खोकला आणि घसा खवखवण्याच्या समस्या सुरू होतात. घसा खवखवण्यास सुरूवात झाली की, लगेच खोकला येतो.

मग, या समस्या दूर करण्यासाठी आपण दवाखाण्यात जाऊन उपचार घेतो आणि काही घरगुती उपाय देखील करतो. मात्र, अनेक जण या समस्यांकडे दुर्लक्ष करतात. खास करून घसा खवखवण्याच्या समस्येकडे अनेक जण दुर्लक्ष करतात.

मात्र, घसा खवखवण्याकडे तुम्ही चुकूनही दुर्लक्ष करू नका. कारण, या समस्येकडे जर तुम्ही दुर्लक्ष केले तर, अनेक गंभीर आजारांना बळी पडण्याची शक्यता आहे. कोणत्या आहेत या समस्या? ज्या घसा खवखवण्याकडे दुर्लक्ष केल्यामुळे होऊ शकतात. चला तर मग जाणून घेऊयात.

गंभीर अ‍ॅलर्जी

अनेकदा बरेच जण घसा खवखवण्याकडे दुर्लक्ष करतात. मग, अशावेळी फार फार तर कोमट पाणी पिऊन ही समस्या बरी करण्याचा प्रयत्न केला जातो. मात्र, समस्या काही हटत नाही.

मग, अशावेळी घसा खवखवण्याची समस्या दीर्घकाळ टिकून राहिल्यामुळे तिचे रूपांतर गंभीर अ‍ॅलर्जीमध्ये होण्याची शक्यता असते. अनेकदा ही अ‍ॅलर्जी धूळ, प्रदूषण आणि आहारातील निष्काळजीपणामुळे होते.

बॅक्टेरिअल इन्फेक्शन

बॅक्टेरिअल इन्फेक्शन हे हळूहळू संपूर्ण शरीरात पसरते. त्यामुळे, गंभीर समस्या निर्माण होते. घसा खवखवण्याची समस्या ही अनेकदा बॅक्टेरिअल इन्फेक्शनमुळे झालेली असते.

त्यामुळे, या समस्येकडे दुर्लक्ष केल्यामुळे संधीवाताचा ताप, किडनी इन्फेक्शन आणि घशामध्ये पू असलेले फोड येण्याची ही गंभीर समस्या निर्माण होऊ शकते. त्यामुळे, वेळीच घसा खवखवण्याकडे लक्ष द्या.

कॅन्सर

गळ्यामध्ये घसा खवखवण्याकजे दुर्लक्ष केल्यामुळे, तुम्ही कॅन्सर सारख्या गंभीर आजाराला बळी पडू शकता. हो, तुम्ही वाचले ते अगदी खरे आहे.

वास्तविक या कॅन्सरची सुरूवात ही larynx, pharynx किंवा टॉन्सिल्सपासून होते. त्यामुळे, याकडे दुर्लक्ष करण्याऐवजी डॉक्टरांकडे जाऊन त्वरीत उपचार घेण्याची गरज आहे.