कोणती चरबी जास्त धोकादायक?

श्रीयुत अ हे ४५ वर्षांचे ऑफिसात काम करणारे गृहस्थ. त्यांचे वजन फार जास्त नव्हते. BMI फक्त २६ होता, म्हणजे थोडे जाडसर. पण कंबरेचा घेर ४२ इंच झाला होता. ‘मी एवढा जाड नाही’ असं ते डॉक्टरांना म्हणाले. तपासणीत मात्र धक्कादायक गोष्ट समोर आली: त्यांना प्रिडायबेटिस, फॅटी लिव्हर आणि उच्च रक्तदाब होता. दोषी ठरली ती फक्त बाहेर दिसणारी चरबी नव्हे, तर पोटात लपलेली व्हिसेरल चरबी (visceral fat).