WHO Alert : जगातील हजारो लोक दररोज कोणत्या ना कोणत्या स्वरूपात प्राणघातक ट्रान्स फॅटचे सेवन करत आहेत. हे एक प्रकारचे खाद्यतेल आहे. जे तुमच्या शरीरात स्लो पॉयझन म्हणून काम करत आहे. याच्या सेवनामुळे अनेक लोक हृदय रोगी होताय.
नकळत मोठ्या संख्येने लोक त्यांच्या घरात याचा वापर करत आहेत. याबाबत जागतिक आरोग्य संघटनेने (WHO) इशाराही दिला होता की, अशा तेलावर लवकरात लवकर बंदी घालावी. अन्यथा येणाऱ्या काळात हृदयविकाराचा झटका येणाऱ्यांची संख्या मोठ्या प्रमाणात दिसून येईल. इशारे देऊनही या तेलावर पूर्णपणे बंदी घालण्यात आलेली नाही.
जगातील पाच अब्ज लोकांच्या खाण्यात हे तेल
जागतिक आरोग्य संघटनेने सांगितले होते की ते या तेलाची विक्री थांबवण्यासाठी बरेच प्रयत्न केले जात आहेत. मात्र असे असूनही जगभरातील 5 अब्ज लोक हे तेल वापरत आहेत. ते म्हणाले की, असे अनेक देश आहेत जिथे हे थांबवले जात नाही.
सन 2018 पासून 2023 पर्यंत जगभरातील कारखान्यांमध्ये बनवलेल्या फॅटी ऍसिडचे उच्चाटन करण्याचे आवाहन करण्यात आले होते. मात्र तरीही बाजारात तेलाची विक्री सुरू आहे. त्यामुळे गेल्या काही वर्षांत हृदयविकाराच्या झटक्याने सुमारे ५ लाख लोकांना आपला जीव गमवावा लागला आहे. युनायटेड नेशन्स हेल्थ एजन्सीने म्हटले होते की एकूण 2.8 अब्ज लोकसंख्या असलेल्या 43 देशांनी याला दूर करण्यासाठी अनेक धोरणे लागू केली आहेत. पण तरीही आपल्या जगात कोट्यवधी लोक त्याचे सेवन करत आहेत.
डब्ल्यूएचओच्या इशाऱ्यानंतरही, ऑस्ट्रेलिया आणि दक्षिण कोरियासारख्या देशांमध्ये असे कोणतेही पाऊल उचलले गेले नाही, जेणेकरून ते थांबवता येईल. ज्या देशांमध्ये यावर बंदी घालण्यात आलेली नाही, तेथे ट्रान्स फॅटमुळे हृदयविकाराचा धोका लक्षणीय वाढेल.
हे तेल अन्न म्हणूनही वापरले जाते
ट्रान्स फॅट हा एक प्रकारचा अनसॅच्युरेटेड फॅटी ऍसिड आहे ज्यामुळे आपल्या शरीराला खूप नुकसान होते. हे फॅक्ट्रीमधे तयार केले जाते आणि अन्न म्हणून वापरले जाते. हे द्रव वनस्पती तेलात हायड्रोजन जोडून तयार केले जाते. (Health News) जेणेकरून ते घट्ट राहते आणि खाद्यपदार्थांचे शेल्फ लाइफ वाढवता येते. यामुळे आपल्या हृदयाच्या धमन्या बंद होतात. केक, चिप्स, कुकीज, स्वयंपाक करताना या तेलाचा अधिक वापर केला जातो.
डब्ल्यूएचओचे महासंचालक टेड्रोस एडनॉम गेब्रेहस यांनी एका अहवालात हे तेल अन्नात वापरू नये, असे म्हटले होते. खाद्यपदार्थ बनवणाऱ्या कंपन्या या तेलाचा वापर करतात कारण ते स्वस्त आहे.
भारतासह या देशांनी धोरणे राबवली
भारतासह अर्जेंटिना, बांगलादेश, फिलीपिन्स, युक्रेन आदी देशांमध्ये धोरणे तयार करून ट्रान्स फॅट थांबविण्याचे काम सुरू करण्यात आले आहे, जेणेकरुन आगामी काळात दिसणारा धोका उद्भवू नये.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
