Yoga Tips : पाठीची चरबी कमी करण्यासाठी ‘ही’ योगासने आहेत फायदेशीर, दररोज सराव केल्याने शरीर राहील तंदूरूस्त

Yoga Tips : सध्याची बिघडलेली जीवनशैली, खाण्यापिण्याच्या चुकीच्या सवयी, व्यायामाचा अभाव आणि अपुरी झोप इत्यादी कारणांमुळे आरोग्याच्या समस्या मोठ्या प्रमाणात वाढल्या आहेत. यामध्ये लठठ्पणा ही समस्या सध्या गंभीर रूप धारण करताना दिसत आहे. कारण, लहानांपासून ते मोठ्यांपर्यंत सर्वजण लठ्ठपणामुळे त्रस्त झाले आहेत..लठ्ठपणामध्ये व्यक्तीच्या पाठीवर, पोटावर, मांड्यांवर आणि इतर ठिकाणी चरबी मोठ्या प्रमाणात वाढते. एकवेळ हात-पाय, हनुवटी, मान आणि पोटाजवळची चरबी सहज कमी करता येते. परंतु, पाठीवरील अतिरिक्त चरबी कमी करण्यासाठी अधिक वेळ लागू शकतो. .अशा स्थितीमध्ये तुम्ही तुमच्या पाठीवरील अतिरिक्त चरबी कमी करण्यासाठी योगाची मदत घेऊ शकता. काही योगासनांच्या नियमित सरावामुळे ही चरबी कमी करणे शक्य आहे. कोणती आहेत ती योगासने? चला तर मग जाणून घेऊयात..Yoga Tips : महिलांच्या संपूर्ण आरोग्यासाठी फायदेशीर आहेत 'ही' योगासने, दररोज सराव केल्याने रहाल तंदूरूस्त.भूजंगासनभूजंगासन हे योगासन आपल्या शारिरीक अन् मानसिक आरोग्यासाठी अतिशय फायदेशीर मानले जाते. या योगासनाच्या नियमित सरावामुळे पाठ, कंबर, मानदुखीची समस्या दूर होते. तसेच, पाठीवरील चरबी कमी करण्यासाठी हे योगासन फायदेशीर मानले जाते..हे योगासन करण्यासाठी सर्वात आधी योगा मॅटवर पोटावर सरळ झोपा. त्यानंतर, तुमच्या दोन्ही पायांमध्ये काही अंतर ठेवा. त्यानंतर, तुमचे हात छातीजवळ घेऊन त्याचे तळवे खाली जमिनीवर टेकवा. आता तुमचा संपूर्ण भार तुमच्या दोन्ही हातांवर आणि पायांवर असेल. त्यानतंर, दीर्घ श्वास घेऊन मान वरच्या दिशेला करा आणि आकाशाकडे पाहा. काही सेकंद या आसनात राहिल्यानंतर, तुम्हाला संपूर्ण शरीरात ताण जाणवेल. त्यानंतर, सामान्य स्थितीमध्ये परत या..धनुरासनधनुरासन हे योगासन आरोग्यासाठी अतिशय फायदेशीर मानले जाते. या योगासनाच्या नियमित सरावामुळे शारिरीक अन् मानसिक समस्या दूर होण्यास मदत होऊ शकते. त्यासोबतच पाठीवरील अन् पोटावरील चरबी कमी करण्यासाठी धनुरासन प्रभावी आहे. हे योगासन करायला जरा कठीण असले तरी, याचे फायदे भरपूर आहेत. जर हे योगासन तुम्ही पहिल्यांदाच करत असाल तर, योगा तज्ज्ञाची अवश्य मदत घ्या..या योगासनाचा सराव करण्यासाठी सर्वात आधी पोटावर झोपा आणि तुमचे दोन्ही गुडघे वाकवा. त्यानंतर, तुमच्या दोन्ही हातांनी पायाच्या घोट्याला धरून तुमचे दोन्ही पाय आणि हात शक्य तितके खेचण्याचा प्रयत्न करा. या स्थितीमध्ये तुमची मान आणि डोळे समोरच्या बाजूला स्थिर ठेवा. काही सेकंद या स्थितीमध्ये राहिल्यानंतर, तुम्हाला संपूर्ण शरीरात ताण जाणवेल. त्यानंतर, पुन्हा सामान्य स्थितीमध्ये या..Yoga Tips : वारंवार मान आणि पाठदुखीचा त्रास होतोय? मग, 'या' योगासनांची घ्या मदत, मिळेल लवकर आराम..!.डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.