साप्ताहिक राशिभविष्य : (१९ जानेवारी २०२५ ते २५ जानेवारी २०२५)

परदेशात भाग्योदय होईल

मेष : सप्ताहात विशिष्ट अपवादात्मक परिस्थिती उद्‍भवू शकतात. प्रत्येक गोष्टीत प्रसंगावधान राखा. गर्दीच्या ठिकाणी आणि प्रवासात सतत भान ठेवा. बाकी सप्ताह भरणी नक्षत्राच्या व्यक्तींना कर्तृत्वाला वाव देणाराच ठरेल. नव्या ओळखी होतील. राजकीय व्यक्तींकडून सहकार्य होईल. ता. २२ व २३ हे दिवस भाग्यबीजे पेरणारे आहेत. उत्तम व्यावसायिक वसुली होईल. अश्विनी नक्षत्राच्या व्यक्तींना कालाष्टमीचा मंगळवार सार्वजनिक ठिकाणी विचित्र प्रसंग घडवेल. अपरिचिताशी वाद नकोत. कृत्तिका नक्षत्राच्या व्यक्तींना गुरुवार दैवी प्रचितीचा. परदेशात भाग्योदयाची शक्यता.

स्पर्धात्मक पातळीवर यश

वृषभ : सप्ताहाची सुरुवात विलक्षण राहील. घरात सुवार्तांचा भर राहील. एकूणच सप्ताह तरुणांची उमेद वाढवेलच. सप्ताहाच्या शेवटी विशिष्ट स्पर्धात्मक यशातून प्रगती. मृग नक्षत्राच्या व्यक्तींना परिस्थितीजन्य लाभ होतील. ता. २४ व २५ हे दिवस रोहिणी नक्षत्राच्या व्यक्तींना विशिष्ट यशातून फ्लॅश न्यूजमध्ये आणतील. उद्याचा सोमवार वैवाहिक जीवनातून धन्य करणारा. कृत्तिका नक्षत्राच्या व्यक्तींना सप्ताहाची सुरुवात संमिश्र स्वरूपाची फळे देईल. पोटाच्या व्याधी बळावू शकतात. कुपथ्ये टाळा.

सरकारी कामांत यश मिळेल

मिथुन : सप्ताहारंभी मंगळ आणि बुध या ग्रहांची स्थिती दुखापतींपासून सांभाळण्याची. पुनर्वसु नक्षत्राच्या व्यक्तींनी सांभाळावे. बाकी सप्ताहातील शुक्र -शनी सहयोग सप्ताहाच्या सुरुवातीस महत्त्वाच्या आर्थिक व्यवहारांतून लाभ देईल. वास्तुविषयक व्यवहार होतील. विशिष्ट सरकारी कामे फत्ते होतील. उद्याचा सोमवार घरात आनंदोत्सवाचा. आर्द्रा नक्षत्राच्या व्यक्तींना सामाजिक घटक-गोष्टींतून यश. पुत्रोत्कर्षातून धन्यता लाभेल. नोकरीत सन्माननीय पद मिळेल. मृग नक्षत्राच्या व्यक्तींनी आजचा रविवार खरेदीत जपावा.

वादग्रस्त वसुली होईल

कर्क : सप्ताहातील वक्री मंगळाचे फिल्ड फलंदाजीचे नाहीच. नका मारू चौकार-षटकार! बाकी सप्ताह गुरुभक्तांना साथ देणाराच. उद्याचा सोमवार विशिष्ट गुप्तचिंता घालवेल. विशिष्ट वादग्रस्त वसुली होईल. आश्लेषा नक्षत्राच्या व्यक्तींना दिलासा मिळेल. ता. २३ चा गुरुवार व्यावसायिक प्राप्तीचा. पुष्य नक्षत्राच्या व्यक्तींना सप्ताहाचा आरंभ विशिष्ट वेदनायुक्त व्याधींतून त्रासाचा. काहींचे भावंडांशी मतभेद होतील. बाकी सप्ताहाचा शेवट घरात एकूणच प्रसन्न राहील. पुनर्वसु नक्षत्राच्या व्यक्तींचा मानसन्मान होईल. दैवी प्रचितीचा अनुभव येईल. शत्रुत्व शमेल.

वरिष्ठांशी उत्तम संवाद होईल

सिंह : शुक्र-शनी सहयोगाचे फिल्ड गुरुभ्रमणाच्या पार्श्वभूमीवर मोठी सुंदर फळे देईल. उत्सव-समारंभातून स्वतःला मिरवाल. नोकरीत वरिष्ठांशी उत्तम संवाद होतील. पूर्वा नक्षत्राच्या व्यक्ती आपल्या बौद्धिक कौशल्याचा उत्तम वापर करतील. सप्ताहाचा आरंभ आणि शेवट मोठा झगमगाटी आणि उत्तम घडामोडींचा राहील. मघा नक्षत्राच्या व्यक्तींनी सप्ताहात अन्नपाण्यातील संसर्ग टाळावा. व्यसनी व्यक्तींनी जपलंच पाहिजे. उत्तरा नक्षत्राच्या व्यक्तींना सप्ताहात परदेशी व्हिसा मिळेल. एखादे सरकारी काम फत्ते होईल. राजकीय विसंवाद मिटेल.

महत्त्वाच्या गाठीभेटी होतील

कन्या : सप्ताहात गर्भवतींना संवेदनशील ग्रहमान आहे, सतत भान ठेवावे. बाकी सप्ताहातील गुरुभ्रमणाची पार्श्वभूमी उत्तम परिणामस्वरूप होईल. हस्त नक्षत्राच्या व्यक्तींना सप्ताहारंभ महत्त्वाच्या गाठीभेटी किंवा करारमदारांतून उत्तम फलदायी होईल. विशिष्ट ग्रासलेली पुत्रचिंता जाईल. व्यावसायिक पातळीवरचे कामगारप्रश्न सुटतील. उत्तरा नक्षत्राच्या व्यक्तींना सप्ताहात कफ - विकार त्रास देईल. चित्रा नक्षत्राच्या व्यक्तींना नोकरीत बदलीचे सावट अस्वस्थ करू शकते. ता. २१ चा मंगळवार वैवाहिक जीवनात अशांततेचा ठरेल, गैरसमज होण्याची शक्यता.

वास्तू खरेदीतील अडचण जाईल

तूळ : सप्ताहात शुक्र-शनी सहयोगाची पार्श्वभूमी अतिशय गुप्तपणे छान प्रभाव टाकेल. विशिष्ट वादविवाद मिटतील. मात्र सप्ताहात आई-वडिलांची काळजी घ्या. चित्रा नक्षत्राच्या व्यक्तींना विशिष्ट मातृपितृ चिंता सतावू शकते. स्वाती नक्षत्राच्या व्यक्तींना सप्ताहात बँकेच्या कामांतून यश येईल. तरुणांना ओळखी-मध्यस्थीने नोकरी मिळेल. वास्तू खरेदीतील अडचणी जातील. विशाखा नक्षत्राच्या व्यक्तींना सप्ताहाचा शेवट व्यावसायिक उत्सव-समारंभातून लाभ देईल. परदेशी व्यापारातून धनवर्षाव होईल. वैवाहिक जीवनातील चिंता जाईल.

जुन्या गुंतवणुकीतून धनवर्षाव होईल

वृश्चिक : सप्ताहातील ग्रहमान शुभग्रहांच्या पार्श्वभूमीवर फलदायी होणारेच आहे. सप्ताहाची सुरुवात याचीच प्रचिती देईल. उद्याचा सोमवार ज्येष्ठा नक्षत्राच्या व्यक्तींना परिस्थितीजन्य लाभ देईल. अनपेक्षित गाठीभेटींतून लाभ होतील. तरुणांच्या उत्तम मुलाखती होतील. नूतन वास्तूचे स्वप्न साकारेल. अनुराधा नक्षत्राच्या व्यक्तींना आजचा रविवार विवाहविषयक गाठीभेटींतून सूर जमवेल. सप्ताहाचा शेवट जुन्या गुंतवणुकीतून धनवर्षाव करणारा. कलाकारांचे उपक्रम यशस्वी होतील. मात्र सप्ताहाच्या शेवटी भाजणे-कापणे यापासून सांभाळा.

मित्रांकडून लाभ होतील

धनू : सप्ताहात नोकरीतील पर्यावरण बिघडू शकते. मूळ नक्षत्राच्या व्यक्तींनी कामगारांशी जपून वागावे. त्वचाविकार जोर धरू शकतात. पूर्वाषाढा नक्षत्राच्या व्यक्तींना सप्ताहारंभ थोरामोठ्यांच्या सान्निध्यातून लाभ देणारा. मात्र नवपरिणितांनी आपापसांतील गैरसमज टाळावेत. बाकी ता. २२ व २३ हे दिवस मोठे रंगतदार राहतील. मित्रांकडून मोठे लाभ होतील. सप्ताहात उंची खरेदी होईल. उत्तराषाढा नक्षत्राच्या व्यक्तींनी सप्ताहात प्रवासातील चोरी, नुकसानीपासून सांभाळावे. असुरक्षित प्रवास टाळाच.

आर्थिक कोंडीतून बाहेर याल

मकर : सप्ताहात वक्री मंगळाचा गुप्त अंडरकरंट राहीलच. वेंधळेपणा टाळा. कुसंगत टाळा. बाकी सप्ताहातील शुक्र-शनीचा सहयोग श्रवण नक्षत्राच्या व्यक्तींना आर्थिक कोंडीतून बाहेर काढणारा. कर्जमंजुरी होईल. उत्तराषाढा नक्षत्राच्या व्यक्तींच्या बाबतीत जुनाट व्याधींचा उद्‍भव होऊ शकतो. धनिष्ठा नक्षत्राच्या व्यक्तींना सप्ताहाचा शेवट संमिश्र स्वरूपाची फळे देऊ शकतो. ता. २१ चा मंगळवार विचित्र खर्चाचे प्रसंग आणेल. फसवणुकीचे प्रसंग शक्य. बाकी सप्ताहात नोकरीतील मानांकन वाढेल. नोकरीत वरिष्ठांची कृपा प्राप्त होईल. सप्ताहात वाहने सांभाळा.

सुवार्ता मिळतील व सत्कार होईल

कुंभ : सप्ताहातील राशीतील शुक्र-शनी सहयोगाचे एक छान पॅकेज राहील. महत्त्वाच्या गाठीभेटींतून प्रभाव टाकाल. ता. २२ ते २४ हे दिवस उत्तम घडामोडींचे असतील. विशिष्ट कायदेशीर प्रश्न सुटतील. घरातील तरुणांचे भवितव्य ठरेल. पूर्वा-भाद्रपदा नक्षत्राच्या व्यक्तींना जुन्या गुंतवणुकींतून लाभ. काहींची व्यावसायिक वसुली होईल. शततारका नक्षत्रास ता. २४ चा शुक्रवार वैयक्तिक मोठ्या सुवार्तांचा. विशिष्ट आदरसत्कार होतील. सप्ताहाचा शेवट पुत्रोत्कर्षातून साजरा होईल. चैनी-करमणुकीचे प्रसंग थक्क करतील.

वाहने जपून हाताळावीत

मीन : सप्ताहातील ग्रहमान सुरक्षितच राहील; परंतु तरुणांनी व्रात्यपणा टाळावा. यंत्रे, वाहने जपून हाताळावीत. रेवती नक्षत्राच्या व्यक्तींनी काळजी घ्यावीच. बाकी सप्ताहाचा आरंभ नोकरी-व्यावसायिक पार्श्वभूमीवर छानच राहील. उत्तरा-भाद्रपदा नक्षत्राच्या व्यक्तींना सप्ताहाचा शेवट विशिष्ट मानसन्मानातून चकित करेल. काहींना राजकीय व्यक्तींकडून लाभ होतील. काहींचे परदेशगमनाचे स्वप्न साकारेल. पती वा पत्नीच्या संदर्भातील विशिष्ट चिंता जाईल.