साप्ताहिक राशिभविष्य : (०२ फेब्रुवारी २०२५ ते ०८ फेब्रुवारी २०२५)

आडाखे यशस्वी होतील

मेष : सप्ताहात घरात विशिष्ट आनंदोत्सवातून सुरू होईल. अश्विनी नक्षत्राच्या व्यक्तींना सहकुटुंब पर्यटनाचा योग येईल. यंदाची रथसप्तमी जीवनरथाची घोडदौड आत्मविश्वासपूर्वक करवेल. घरातील तरुणांचे प्रश्न कायमचे सुटतील. सप्ताहात व्यावसायिक पातळीवर आर्थिक ओघ उत्तमच राहील. भरणी नक्षत्राच्या व्यक्तींना सप्ताहाचा शेवट अर्थातच जया एकादशी आत्मतृप्त करणारी ठरेल. व्यावसायिक आडाखे यशस्वी होतील. तरुणांना उत्तम पॅकेजची नोकरी मिळेल.

जुन्या गुंतवणुकीतून लाभ होईल

वृषभ : आजचा रविवार सप्ताहाचे उत्तम पॅकेज घोषित करेल. स्वतंत्र व्यावसायिकांना सप्ताह पर्वणीसारखाच राहील. कृत्तिका नक्षत्राच्या व्यक्तींना जुन्या गुंतवणुकीतून लाभ मिळेल. सप्ताहात तरुणांना विशिष्ट स्पर्धात्मक यशातून लाभ होईल. रोहिणी नक्षत्राच्या व्यक्तींना सप्ताहाचा शेवट कला, छंद वा इतर बौद्धिक उपक्रमांतून झगमगाटी राहील. सप्ताहात प्रेमिकांचे भाग्य उजळेल. मृग नक्षत्राच्या व्यक्तींना उद्याचा सोमवार यशस्वी घडामोडींचा ठरेल.

नोकरीतले स्थान बळकट होईल

मिथुन : सप्ताहात व्यावसायिक उत्सव, प्रदर्शनांतून मोठे लाभ. मृग नक्षत्राच्या व्यक्तींचे मार्केटिंग यशस्वी होईल. राजकीय व्यक्तींची उत्तम साथ राहील. तरुणांचे नोकरीतील स्थान बळकट होईल. काहींना परदेशगमन होईल. आर्द्रा नक्षत्राच्या व्यक्तींना विशिष्ट वास्तुविषयक व्यवहारांतून मोठे लाभ होतील. नवपरिणितांची रथसप्तमीचा मुहूर्त साधत जीवनात घोडदौड सुरू होईल. पुनर्वसु नक्षत्राच्या व्यक्तींना उद्याचा सोमवार मोठ्या सुवार्तांच्या प्रभावात ठेवेल. वास्तुविषयक कर्जमंजुरी मिळेल.

मोठे करार-मदार होतील

कर्क : सप्ताहात राशींच्या एक्सेंजमध्ये आपल्या राशीचा शेअर प्रचंड वधारणार आहे. शत्रु मित्र बनतील. तरुणांना विविध ठिकाणांहून उत्तम स्थळे येतील. आजच्या वसंत पंचमीचा बहर चांगलाच राहील. ता. २ ते ४ हे दिवस अतिशय प्रवाही राहतील. पुष्य नक्षत्राच्या व्यक्तींना सप्ताहाचा शेवट मोठा विक्रमी राहील. घरात सतत सुवार्तांचा भर राहील. नूतन वास्तूमध्ये पदार्पण कराल. पुनर्वसु नक्षत्राच्या व्यक्तींना दैवीप्रचितीतून सतत आनंदाश्रू येतील. आश्लेषा नक्षत्राच्या व्यक्तींसाठी उद्याचा सोमवार मोठ्या करारमदारांचा असेल.

नोकरीत पगारवाढ होईल

सिंह : रथसप्तमीच्या प्रभावात गुरु मार्गी होत आपली नोकरीतील निर्धोक वाटचाल सुरू होईल. नोकरीतील घडामोडींतून परिस्थितीजन्य लाभ होतील. काहींची पगारवाढ होईल. मघा नक्षत्राच्या व्यक्तींना रथसप्तमी विजयोत्सवाची. शत्रुत्वावर मात कराल. तरुणवर्गास सप्ताहाचा शेवट नोकरीच्या मुलाखतींतून प्रभाव टाकणारा. पूर्वा नक्षत्राच्या व्यक्तींना शुक्रवार जया एकादशीच्या प्रभावात जल्लोष करणारा. उत्तरा नक्षत्राच्या व्यक्तींना न्यायालयीन प्रकरणांतून फायदा होईल. वादग्रस्त स्वरूपाची वसुली होईल. पुत्रचिंता जाईल.

मोठी संधी मिळेल

कन्या : वसंत पंचमीने सुरू होणारा हा सप्ताह जीवन चांगलेच फुलवेल. आजचा रविवार अतिशय गोड आणि सुगंधित राहील. तरुणांची रथसप्तमीचा मुहूर्त साधत एक विजयाची घोडदौड सुरू होईल. शिक्षण, विवाह आणि नोकरी या त्रिघटकांतून मोठे भाग्योदय अपेक्षित आहेत. सप्ताहाचा आरंभ आणि शेवट उत्तरा नक्षत्राच्या व्यक्तींना मोठ्या संधी देणारा आहे. हस्त नक्षत्राच्या व्यक्तींना उद्याचा सोमवार मोठ्या सुवार्तांची पार्श्वभूमी ठेवेल. शनिवारची जया एकादशी नोकरीत भाग्यसंकेत देईल. चित्रा नक्षत्राच्या व्यक्तींचे शत्रुत्व शमेल. वादग्रस्त वसुली होईल.

सरकार दरबारची कामे होतील

तूळ : सप्ताहातील शुभ ग्रहयोगांच्या अंडरकरंटचा लाभ घ्यायला हरकत नाहीच. सप्ताहाची सुरुवात वादग्रस्त वास्तुविषयक प्रश्न मिटवू शकते. उद्याचा सोमवार महत्त्वाच्या गाठीभेटीतून सुसंगत राहील. चित्रा नक्षत्राच्या व्यक्तींना मित्रमंडळींकडून लाभ होतील. मंत्रालयातील कामे होतील. स्वाती नक्षत्राच्या व्यक्तींना ता. ७ व ८ हे दिवस निश्चितच शुभग्रहयोगांतून एक अंडरकरंट ठेवतील. तरुणांचे उत्तम कलाप्रदर्शन होईल. प्रेमिकांचे विसंवाद मिटतील. विशाखा नक्षत्राच्या व्यक्तींना नोकरीतील वरिष्ठांशी सुसंवाद घडून लाभ होतील.

वैवाहिक जीवनात वसंत फुलेल

वृश्चिक : सप्ताह तरुणांना ध्येयपथाकडे नेणारा. अनुराधा नक्षत्राच्या व्यक्तींना सप्ताहाचा आरंभ आणि शेवट विजयी घोडदौड करेल. अर्थातच रथसप्तमी साजरी कराल. आजचा वसंत पंचमीचा रविवार वैवाहिक जीवनात वसंत फुलवेल. नवपरिणितांना मोठ्या गोड बातम्या कळतील. ता. ६ व ७ हे खऱ्या अर्थाने शुभवार राहतील. ज्येष्ठा नक्षत्राच्या व्यक्तींना कर्जवसुलीतून आनंद साजरा करता येईल. काहींचे भाऊबंदकीविषयक प्रश्न सुटतील. शनिवारी शेजाऱ्यांशी भांडणे किंवा गैरसमज नकोत.

वातावरण प्रसन्न राहील

धनु : वसंत पंचमीने सुरुवात होणारा सप्ताह शुक्रकलांचा उमलता छान अंडरकरंट ठेवेल. घरातील भावसुगंध वाढता राहील. आजचा रविवार प्रेमिकांना एक पर्वणीसारखा. मूळ नक्षत्राच्या व्यक्तींना विशिष्ट व्यावसायिक उत्सव - प्रदर्शनांतून लाभ. नोकरीतील विशिष्ट जाचक स्वरूपाचा विरोध मावळेल. पूर्वाषाढा नक्षत्राच्या व्यक्तींना ता. ७ व ८ हे दिवस घरातील मंगलकार्यातून मोठे प्रसन्न राहतील. वास्तुविषयक कर्जे मंजुरी होईल. मात्र शनिवारी रहदारीच्या ठिकाणी जपा. स्त्रीवर्गाशी वाद नकोत.

कलाकारांना मान-सन्मान लाभेल

मकर : वसंत पंचमीचा सप्ताह तरुणांना मोठी प्रेमसंजीवनी देणारा. उत्तराषाढा नक्षत्राच्या व्यक्ती संवादचातुर्यातून लाभ उठवतील. विवाहविषयक गाठीभेटी यशस्वी होतील. प्रेमिकांना आजचा रविवार विजयी चौकार, षटकारांचा. ता. ६ व ७ हे दिवस श्रवण नक्षत्राच्या व्यक्तींना नोकरी-व्यावसायिक पार्श्वभूमीवर अतिशय गतिमान राहतील. कलाकारांना जया एकादशीचा शनिवार मोठा मान प्राप्त करून देणारा. थोरामोठ्यांच्या संपर्कात याल. धनिष्ठा नक्षत्राच्या व्यक्तींना शनिवार संध्याकाळ विचित्र जागरणाची ठरेल.

आर्थिक कोंडी दूर होईल

कुंभ : सप्ताह कौटुंबिक पार्श्वभूमीवर मोठा सुंदर राहील. घरातील तरुणांची कार्ये ठरतील. काहींचा कार्याप्रीत्यर्थ प्रवास घडेल. धनिष्ठा नक्षत्राच्या व्यक्तींना व्यावसायिक आर्थिक कोंडीतून बाहेर काढणाराच सप्ताहाचा आरंभ. मित्रमंडळींचे सहकार्य लाभेल. शततारका नक्षत्राच्या व्यक्तींना सप्ताहाचा आरंभ आणि शेवट वैयक्तिक उपक्रम यशस्वी करणारा. ता. ७ चा शुक्रवार मोठ्या यशाची नोंद करेल. शैक्षणिक अपयश धुऊन काढाल. पूर्वा-भाद्रपदा नक्षत्राच्या व्यक्तींना परदेशी भाग्योदय, काहींचे व्यावसायिक प्रकरण जे न्यायालयात रखडले असेल ते मार्गी लागेल.

भाग्यबीजे पेरणारा कालखंड

मीन : सप्ताहातील शुभग्रहयोगांचे फिल्ड मोठी ऐतिहासिक शुभ फळे देईल. विशिष्ट प्रतीक्षा संपेल. पूर्वा-भाद्रपदा नक्षत्राच्या व्यक्तींना आजचा वसंत पंचमीचा रविवार प्रीतीची वेल फुलवणारा ठरेल. विवाहविषयक निर्णायक गाठीभेटी होतील. उद्याचा सोमवार एकूणच आपल्या राशीस व्यावसायिक भाग्यबीजे पेरणारा. उत्तरा-भाद्रपदा नक्षत्राच्या व्यक्तींना नोकरीच्या मुलाखतींतून मोठे यश प्राप्त होईल. ता. ६ व ७ हे शुभवार राहतील. वैयक्तिक सुवार्तांची शृंखलाच राहील. भावाबहिणींचे उत्कर्ष होतील. रेवती नक्षत्राच्या व्यक्तींना सरकारी माध्यमातून लाभ.