साप्ताहिक राशिभविष्य : (०२ मार्च २०२५ ते ०८ मार्च २०२५)

नवस फेडले जातील

मेष : सप्ताह विशिष्ट पार्श्वभूमीवर चैन व मनोरंजनाचा राहणारा आहे. कौटुंबिक कार्याच्या संदर्भातून प्रवास होतील. सप्ताह भरणी नक्षत्राच्या व्यक्तींना शुभग्रहांची उत्तम रसद पुरवणारा. सप्ताहाचा आरंभ आणि शेवट वैयक्तिक छंद वा उपक्रमांतून छानच प्रतिसाद असेल. आजचा रविवार रसिकांचा सहवास घडवेल. ता. ६ मार्चचा गुरुवार एकूणच आपल्या राशीच्या व्यक्तींना एकूणच भावरम्य राहील. विशिष्ट कौतुकसमारंभ होतील. अश्विनी नक्षत्राच्या व्यक्ती विशिष्ट नवस फेडतील. कृत्तिका नक्षत्राच्या व्यक्तींनी प्रिय व्यक्तींशी थट्टामस्करी टाळावी.

व्यवसायात तेजीचा कालखंड

वृषभ : एकूणच सप्ताह आपल्या राशीस शुभग्रहांच्या माध्यमातून रंगतसंगत घडवेल. रोहिणी नक्षत्राच्या व्यक्ती लक्ष वेधून घेऊन सेलिब्रेटी होणार आहेत. ता. ६ ते ८ हे दिवस दमदार वाटचालीचे ठरतील. मृग नक्षत्राच्या व्यक्तींना परिस्थितीजन्य लाभ होतील. आजचा रविवार एखादी गुप्तचिंता घालवेल. मात्र सप्ताहात खरेदीत फसू नका. सप्ताहाचा शेवट मोठी व्यावसायिक उत्तम तेजी ठेवेल. कृत्तिका नक्षत्राच्या कलाकारांचा परदेशी भाग्योदय होईल. नोकरीत पगारवाढ थक्क करेल.

नोकरीत सुंदर पर्व येईल

मिथुन : बुध आणि शुक्र यांची विशिष्ट स्थिती मोठ्या ऐतिहासिक घटना घडवेल. व्यावसायिक वास्तुखरेदी होईल. तरुणांना कॅम्पसमधून नोकरी. आर्द्रा नक्षत्राच्या व्यक्तींना नोकरीतील एक सुंदर पर्व सुरू होईल. नोकरीत मानांकन मिळेल. सप्ताहाचा आरंभ आणि शेवट एकूणच आपल्या राशीस अतिशय गतिमान असाच राहील. आर्थिक कोंडी दूर होईल. पुनर्वसु नक्षत्राच्या व्यक्तींना सप्ताहाचा शेवट भूतकाळातील एखादे अपयश धुवून काढणारा ठरेल. तरुणांना परदेशी नोकरीची लॉटरी लागेल. पती वा पत्नीची चिंता जाईल.

लहान मुलांची काळजी घ्यावी

कर्क : सप्ताहात वक्री होणारा शत्रू आजच्या शनिवारी शुभग्रहांचे एक पॅकेजच घोषित करणार आहे. पुष्य नक्षत्राच्या व्यक्तींना ऐनवेळी छान रसद पुरविली जाईल. तरुणांना मित्रांकडून लाभ होतील. स्वतंत्र व्यावसायिकांना छान नवे प्रस्ताव किंवा पर्याय उपलब्ध होतील. आर्थिक प्राप्ती वाढेल. ता. ६ चा गुरुवार गुरु प्रचितीचाच राहील. आश्लेषा नक्षत्राच्या व्यक्तींना वादग्रस्त वसुलीतून लाभ. विशिष्ट राजकीय संबंध फलद्रूप होतील. मात्र सप्ताहात वेंधळेपणातून दुखापती सांभाळा. लहान मुलांना सांभाळा.

योग्य ठिकाणी बदली होईल

सिंह : सप्ताहात गुरुच्या पाठबळातून मोठे परिस्थितीजन्य लाभ होतील. नोकरीतील घडामोडी पथ्यावरच पडतील. सप्ताहात योग्य ठिकाणी बदली होईल. सप्ताहात काहींना राजकीय लाभ होतील. पूर्वा नक्षत्राच्या व्यक्तींना गुरुवार मोठा सार्थकी लागेल. पुत्रपौत्राचे भाग्योदय होतील. काहींना व्यावसायिक कर्जमंजुरीतून लाभ. वास्तुखरेदीतील अडचणी जातील. मघा नक्षत्राच्या व्यक्तींचे विशिष्ट नुकसानीचे भय जाईल. काहींना विशिष्ट रोगावर वा व्याधीवर औषध लागू पडेल. उत्तरा नक्षत्राच्या व्यक्तींनी उत्सव समारंभातून मौल्यवान वस्तू सांभाळाव्या.

व्यावसायिकांना भांडवल मिळेल

कन्या : सप्ताह एकूणच छान प्रवाही राहील. आज वक्री होणारा शुक्र भाग्यातील गुरुभ्रमणाला उजाळाच देणारा. त्यामुळेच सप्ताहातील गुरुवार चांगलाच सार्थकी लागेल. सप्ताह तरुणतरुणींचे भाग्य उदयाला आणणारा. आजचा रविवार हस्त नक्षत्रास विवाहविषयक गाठीभेटींतून निर्णायकच ठरेल. प्रेमिकांनी कनेक्टिव्हिटी ठेवाच. सप्ताह स्वतंत्र व्यावसायिकांना मोठी रसद पुरवेल. उत्तरा नक्षत्राच्या व्यक्तींना हरवलेलं गवसेल. वैवाहिक जीवनातील सूर पुन्हा गवसेल. गीत गाता चल होईल. चित्रा नक्षत्रास सप्ताहात नोकरीतील वरिष्ठांचा प्रतिसाद थक्क करेल. काहींना मानांकन मिळेल.

नोकरीमधील संकट जाईल

तूळ : सप्ताहात आजच्या रविवारी शुक्र वक्री होत आहे. सप्ताह आरोग्यविषयक पथ्ये पाळाच. बाकी हा शुक्र गुरुभ्रमणाच्या नक्षत्रगत स्थितीच्या पार्श्वभूमीवर व्यावसायिक आर्थिक ओघ ठेवेल. विशिष्ट जुन्या गुंतवणुकी फलद्रूप होतील. स्वाती नक्षत्राच्या व्यक्तींना त्याचा लाभ होईल. मात्र सप्ताहात चित्रा नक्षत्राच्या व्यक्तींनी प्रवासांतर्गत संसर्गापासून सांभाळा. विशाखा नक्षत्राच्या व्यक्तींनी सप्ताहात घरगुती वादात पडू नये. बाकी सप्ताहाचा शेवट तरुणांना मोठे भाग्यसंकेत देईल. नोकरीतील संकट जाईल.

पूर्वसुकृत फळास येईल

वृश्चिक : आज वक्री होणाऱ्या शुक्रभ्रमणाची तरुणांना छान कनेक्टिव्हिटी साधेल. हा सप्ताह विवाहेच्छूंना पर्वणीसारखा! ता. ६ व ७ हे दिवस अतिशय प्रसन्न राहतील. अनुराधा नक्षत्राच्या व्यक्तींचे पूर्वसुकृत फळाला येईल. नवपरिणितांना अपत्य संभवाची लक्षणे. आजचा रविवार रेवती नक्षत्रास उत्सव समारंभातून गाजणारा. विशिष्ट आदर सत्कार थक्क करतील. उत्तरा-भाद्रपदा नक्षत्राच्या व्यक्तींना सप्ताहात शैक्षणिक सूर गवसेल. शनिवार प्रसन्न गाठीभेटींचा.

आर्थिक व्यवहार मार्गी लागतील

धनू : आजच्या वक्री होणाऱ्या शुक्रभ्रमणाचे एक पर्व सुरू होईल. आयुष्यातील संधींकडे सतत लक्ष ठेवून राहा. सप्ताहात खोळंबलेले आर्थिक व्यवहार मार्गी लागतील. बँकांची कामे मार्गी लागतील. मूळ नक्षत्राच्या व्यक्तींवर देवतांचा अनुग्रह राहील. शत्रुत्वाच्या झळा कमी होतील. पूर्वाषाढा नक्षत्राच्या व्यक्तींना परिस्थितीची उत्तम साथ मिळेल. काहींना उत्तम राजकीय संधान प्राप्त होईल. उत्तराषाढा नक्षत्राच्या व्यक्तींनी प्रवासात पोटाची काळजी घ्यावी. आहारविहारासंबंधी पथ्ये पाळा. मूर्खांशी संवाद नकोत.

सरकारकडून गौरव होईल

मकर : सप्ताहात गाठीभेटींतून मोठी छाप पाडणार आहात. सप्ताहात तारुण्य फुलेल. नोकरीच्या मुलाखती यशस्वी होतील. आजचा रविवार प्रेमिकांचाच राहील. उत्तराषाढा नक्षत्राच्या व्यक्तींचे चांगल्या ठिकाणी पर्यटन होईल. ता. ६ ते ८ हे दिवस अत्यंत प्रवाही राहतील. श्रवण नक्षत्राच्या व्यक्ती आपले उत्तम कलागुण दाखवू शकतील. काहींना एखादा सरकारी पातळीवरचा बहुमान मिळेल. धनिष्ठा नक्षत्राच्या व्यक्तींची शत्रूंवर जरब बसेल. वादग्रस्त स्वरूपातली वसुली करू शकाल. मात्र वैवाहिक जीवनात संयम ठेवा.

स्पर्धात्मक यश मिळेल

कुंभ : सप्ताहात आज वक्री होणारा शुक्र व्यावसायिकांना मोठा फलदायी होणारा. सप्ताहात शततारका नक्षत्राच्या व्यक्ती धनसंपन्न होणार आहेत. आजचा रविवार याचीच ग्वाही देईल. सप्ताहात मोठी चैन तसेच करमणुकीचे प्रसंग येतील. ता. ६ चा गुरुवार घरात मोठ्या सुवार्तांचा राहील. घरातील तरुणांचे भाग्य उजळेल. पूर्वा-भाद्रपदा नक्षत्राच्या व्यक्तींना सप्ताहाचा आरंभ आणि शेवट मोठे फोटोफिनिश यश देणारा. अर्थातच मोठे स्पर्धात्मक यश प्राप्त करून देणारा. शिवाय प्रेमिकांचे मोठे धाडसी निर्णय होतील.

मुलाखती फलदायी होतील

मीन : आज राशीत वक्री होणारा शुक्र साडेसातीचा विसर पाडेल. तरुण - तरुणींचा आत्मविश्वास प्रचंड वाढेल. आजचा रविवार उत्कट भावस्पंदनांचा राहील. विवाहविषयक गाठीभेटी उत्तम प्रतिसाद देतील. उत्तरा-भाद्रपदा नक्षत्राच्या व्यक्तींना सरस्वतीचा स्वर गवसेल. ता. ६ चा गुरुवार छान आठवणीत राहील. घरात कार्ये ठरतील. तरुणांना सप्ताह नोकरीच्या मुलाखतींतून फलदायी होणारा. रेवती नक्षत्राच्या व्यक्तींना वादग्रस्त वसुलींतून लाभ होईल. कलाकारांचे आणि खेळाडूंचे नैराश्य जाईल.