गुरुवार पेठ - धनगर आळीतील श्री अहल्यादेवी मित्र मंडळाने पालखी रिंगण सोहळ्याचा देखावा सादर केला आहे. या हलत्या देखाव्याचे वैशिष्ट्य म्हणजे त्यात वापरलेले वारकरी, विठ्ठल, घोडा या सर्व प्रतिकृती कागदाच्या लगद्यापासून तयार केलेल्या आहेत.
रविवार पेठ - यंदा आपले ९८ वे वर्ष साजरे करत असलेल्या आदर्श सेवा मंडळाने ‘संस्कृतीच्या पाऊलखुणा’ हा भारतीय संस्कृतीत शेकडो वर्षांत होत गेलेल्या स्थित्यंतरांविषयी मांडू पाहणारा देखावा.
रविवार पेठ - लालबहादूर शास्त्री तरुण मंडळ ट्रस्टने श्री दुर्गा मातेचा महिषासुर मर्दिनी अवतार देखाव्यातून सादर केला आहे.
शुक्रवार पेठ - बाल साईनाथ मंडळ ट्रस्टने सादर केलेला ‘सध्याची न्याय व्यवस्था आणि शिवकालीन न्याय व्यवस्था’ हा देखावा. आजच्या व्यवस्थेच्या डोळ्यांत अंजन टाकणारा हा देखावा अनेकांचे लक्ष वेधणारा ठरत आहे.
शुक्रवार पेठ - जय भारत मंडळाने ‘पाणी - उद्याची दिशा’ हा ‘पाणी जिरवा, पाणी अडवा, पाणी वाचवा’ असा संदेश देणारा स्थिर देखावा सादर केला आहे.
रविवार पेठ - काही महिन्यांपूर्वी जगभराला भारताच्या लष्करी सामर्थ्याची चुणूक दाखवून दिलेली ‘सर्जिकल स्ट्राइक’ यंदा आपल्या देखाव्यातून सादर करणारे अचानक भारत मित्र मंडळ.
शुक्रवार पेठ - खडक पोलिस लाइन सार्वजनिक गणेशोत्सव मंडळाने सुमारे चाळीस फूट उंचीचा देखणा गणेश महाल उभारला आहे.
पुणे - आपल्या लाडक्‍या बाप्पासाठी खास तयार केलेले भव्य दिमाखदार महाल, विविध सामाजिक विषयांना वाहिलेले आणि कसलेल्या कलाकारांनी सादर केलेले जिवंत देखावे आणि ऐतिहासिक पार्श्‍वभूमीच्या विषयांसोबतच समकालीन प्रश्‍नांचाही वेध तेवढ्याच ताकदीने घेऊ पाहणारे विषय, अशा अनेक गोष्टी देखाव्यांच्या रूपात शहराच्या पूर्व भागातील पेठांमध्ये पाहायला मिळत आहेत.
पुणे - आपल्या लाडक्‍या बाप्पासाठी खास तयार केलेले भव्य दिमाखदार महाल, विविध सामाजिक विषयांना वाहिलेले आणि कसलेल्या कलाकारांनी सादर केलेले जिवंत देखावे आणि ऐतिहासिक पार्श्‍वभूमीच्या विषयांसोबतच समकालीन प्रश्‍नांचाही वेध तेवढ्याच ताकदीने घेऊ पाहणारे विषय, अशा अनेक गोष्टी देखाव्यांच्या रूपात शहराच्या पूर्व भागातील पेठांमध्ये पाहायला मिळत आहेत.
