बालकलाकार म्हणून सुरुवात, आता 'साऊथचा सुपरस्टार'

दाक्षिणात्य south film चित्रपटांमधील एक प्रमुख अभिनेता म्हणून नागार्जुन अक्किनेनीचं Nagarjuna Akkineni नाव घेता येईल. केवळ साऊथमध्येच नव्हे तर बॉलीवूडमध्येही त्याच्या नावाची क्रेझ कायम आहे. त्यानं आजवर अनेक पुरस्कार मिळवले आहेत. मात्र त्याच्या वाट्याला आलेली लोकप्रियता हे त्याचं खरं यश आहे. असं त्याच्या चाहत्याचं म्हणणं आहे. आपल्या हटके शैलीतील अभिनयानं नागार्जुननं अनेक हिट चित्रपट दिले आहेत. त्याला बॉक्स ऑफिसवर मोठ्या प्रमाणात यशही मिळालं आहे. त्याचं साऊथ फिल्म इंडस्ट्रीसाठीचं योगदानं मोठं आहे. आज त्याचा जन्मदिवस आहे. त्यानिमित्तानं त्याच्या चित्रपट कारकीर्दीचा घेतलेला आढावा खास त्यच्य चाहत्यांसाठी.केवळ चित्रपटच नाही तर वेगवेगळ्या रियॅलिटी शो मध्ये देखील नागार्जुननं काम केलं आहे. सोशल मीडियावर नेहमी अॅक्टिव्ह असणाऱ्या नागार्जुनचा फॉलोअर्सही मोठा आहे.

नागार्जुननं इंजिनिअरींगपर्यत शिक्षण घेतलं आहे. अमेरिकेतून त्यानं ही पदवी घेतली आहे. उच्चविद्याविभुषित असणाऱ्या नागार्जुननं अॅक्शन चित्रपटांमध्ये मोठं नाव कमावलं आहे.