अफगाणिस्तानात पावसाचा हाहाकार; 22 जणांचा मृत्यू, 40 जण जखमी

अफगाणिस्तान (Afghanistan) आधीच मानवतावादी संकटातून जात आहे. दरम्यान, देशात अतिवृष्टी आणि पुरामुळं 22 जणांचा (Heavy Rain and Floods) मृत्यू झाल्याची माहिती आहे.

आपत्ती व्यवस्थापन अधिकाऱ्यांनी गुरुवारी ही माहिती दिलीय. अफगाणिस्तानचे आपत्ती व्यवस्थापन प्रमुख हसीबुल्लाह शेखानी (Hasibullah Shekhani) म्हणाले, 12 प्रांतांमध्ये पूर आणि वादळामुळं 22 लोकांचा मृत्यू झालाय, तर 40 जण जखमी झाले आहेत.

या पुरामुळं मोठ्या प्रमाणात पिकांचंही नुकसान झालं आहे.

अफगाणिस्तानातील तालिबान सरकार या आपत्तीला तोंड देण्यासाठी संघर्ष करत असल्याचं अधिकाऱ्यांनी सांगितलंय.

पाऊस आणि पुरामुळं एक तृतीयांश भाग पाण्याखाली गेला असून सरकार मदतीसाठी आंतरराष्ट्रीय पातळीवर चर्चा करत आहे.