Konkan Rain : अर्जुना-कोदवली नद्यांना पूर; राजापूरला पुराचा वेढा, जनजीवन विस्कळीत

राजापूर - गेल्या चार दिवसांपासून सततधारा पडणार्‍या पावसामुळे तालुक्यातून वाहणार्‍या अर्जुना-कोदवली नद्यांना पूर आला आहे. या पूराच्या पाण्याने शहराला वेढा घालताना मध्यवर्ती ठिकाण असलेल्या जवाहरचौकामध्ये धडक दिली आहे. जवाहर चौकामध्ये सुमारे दोन-अडीच फूट पाणी वाढलेले आहे. शहरातील अनेक भाग पूराच्या पाण्याखाली गेला आहे. त्यानंतरही सातत्याने पडणारा पाऊस आणि पूराच्या पाण्यामध्ये होणारी वाढ यामुळे शहरातील जनजीवन विस्कळीत झाले आहे.