गडकरींच्या कन्येचा नागपूरमध्ये विवाह
केंद्रीय मंत्री नितीन गडकरी यांची कन्या केतकी गडकरी हिचा विवाह आदित्य कासखेडीकर यांच्याशी रविवारी नागपूरमध्ये पार पडला. केतकी या गडकरी यांची कनिष्ठ कन्या आहे. गडकरींचे जावई आदित्य हे सध्या फेसबुकमध्ये कार्यरत आहेत.
या लग्न सोहळ्याला गृहमंत्री राजनाथ सिंह, केंद्रीय मंत्री व्यंकय्या नायडू, भाजपाध्यक्ष अमित शहा, राष्ट्रीय स्वयंसेवक संघाचे प्रमुख मोहन भागवत, मुख्यमंत्री देवेंद्र फडणवीस यांच्यासह राजकीय क्षेत्रातील दिग्गज नेतेमंडळी उपस्थित होती. आसामचे राज्यपाल बनवारीलाल पुरोहित, शिवसेना पक्षप्रमुख उद्धव ठाकरे,आदित्य ठाकरे,नारायण राणे, मनसे अध्यक्ष राज ठाकरे, केंद्रीय मंत्री प्रकाश जावडेकर, हंसराज आहिर, पीयूष गोयल, योगगुरु रामदेवबाबा, राष्ट्रवादीचे नेते प्रफुल्ल पटेलही या सोहळ्यात उपस्थित होते.
या लग्नसोहळ्यानंतर सर्वांचे लक्ष आता रिसेप्शनकडे लागले आहे. व्हीआयपी मंडळींसाठी 6 डिसेंबर नागपूर आणि 8 डिसेंबरला दिल्ली अशा दोन ठिकाणी रिसेप्शन होणार आहे. दिल्लीतील कार्यक्रमात राष्ट्रपती प्रणव मुखर्जी, पंतप्रधान नरेंद्र मोदी यांच्यासह विविध पक्षातील ज्येष्ठ नेतेमंडळी उपस्थित राहण्याची शक्‍यता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.